အမျိုးသမီးတွေအတွက် ဆွဲဆောင်နိုင်တဲ့သူဆိုတာ ဈေးကြီးတဲ့ Suit တွေဝတ်နိုင်မှ၊ အလန်းစား Super car တွေ စီးနိုင်မှလို့ ထင်ကောင်းထင်နိုင်ပါတယ်။ သို့သော် ဒါတွေဟာအချိန်တိုင်း အလုပ်မဖြစ်နိုင်ပါဘူး။
တကယ်တမ်း အမျိုးသမီးတွေအတွက် ဆွဲဆောင်မှုရှိတဲ့ ယောင်္ကျားဆိုတာ အခုပြောပြမယ့်အချက်လေးတွေ ပိုင်ဆိုင်ထားကြပါတယ်။
(၁) ဟာသဉာဏ်
ယောင်္ကျားလေးတစ်ယောက် ဟာသဉာဏ်ရှိခြင်းဟာ အမျိုးသမီးတွေအတွက်တော့ ဆွဲဆောင်မှုတစ်ခုပါပဲ။ များသောအားဖြင့် ဟာသဉာဏ်ရှိသူတွေဟာ ကိုယ်တိုင်လည်း ပျော်ပျော်နေတက်သလို ကိုယ့်အနားက လူတွေကိုလည်း ပျော်အောင်ထားတက်ကြပါတယ်။ ကိုယ့်ကိုပျော်ရွှင်စေမယ့် ဟာသဉာဏ်ရှိသူတစ်ယောက်ကို သဘောမကျတဲ့ အမျိုးသမီးဆိုတာ မရှိနိုင်ပါဘူး။
(၂) အရပ်အမောင်း
အမျိုးသမီးအများစုဟာ အရပ်အမောင်းနဲ့ ပတ်သတ်ပြီးလည်း Serious ဖြစ်ကြပါတယ်။ များသောအားဖြင့် သူတို့ထက်အရပ်ရှည်ပြီး တောင့်တောင့်ဖြောင့်ဖြောင့်ရှိတဲ့သူတွေကို ပိုပြီးသဘောကျလေ့ရှိပါတယ်။ အရပ်ရှည်တဲ့ယောင်္ကျားတွေဟာ အမျိုးသမီးအတွက် ခန့်ငြားပြီး အားကိုးချင်စရာကောင်းတဲ့ ဆွဲဆောင်မှုရှိသူတွေဖြစ်ပါတယ်။
(၃) အသံ
အမျိုးသမီးတွေသဘောကျတဲ့ ဆွဲဆောင်မှုရှိတဲ့ ယောင်္ကျားတစ်ယောက်ရဲ့ စံနှုန်းတွေထဲမှာ အသံဩဇာနဲ့ ပြည့်စုံခြင်းကလည်း တစ်ခုအပါအဝင်ပါပဲ။ အသံဩဇာရှိသူတွေဟာ စကားပြောတဲ့အခါမှာ တစ်ဖက်က နားထောင်သူရဲ့ စိတ်အာရုံဖမ်းစားနိုင်တဲ့အထိ ဆွဲဆောင်မှုရှိတဲ့ သူတွေပဲမဟုတ်လား။
