မင်္ဂလာပါနော်။ နာမည်ကျော်တွေ လမ်းပေါ်ထွက်လာရင် ပါပါရာဇီ ဓာတ်ပုံဆရာတွေက အလွတ်မပေးသလို ပရိသတ်တွေကလည်း ကိုယ့်အကြိုက်ဆုံး နာမည်ကျော်တွေရဲ့ ဖက်ရှင်တွေကို လေ့လာကြပါတယ်။
အခုတစ်ခါ အနုပညာရှင်တို့ရဲ့ ဖက်ရှင်ကဏ္ဍမှာတော့ ကမ္ဘာကျော် မော်ဒယ်လ်တစ်ဦးဖြစ်တဲ့ Adriana ရဲ့ လမ်းပေါ်ထွက်ဖက်ရှင်တွေထဲက အကောင်းဆုံး ဖက်ရှင်တွေကို မျှဝေပေးသွားမှာဖြစ်ပါတယ်။
အနုပညာကြေးအမြင့်ဆုံး မော်ဒယ်လ်တွေထဲက တစ်ခုဖြစ်ခဲ့ဖူးတဲ့ Adriana ကို ၁၉၈၁ ပြည့်နှစ် ဇွန်လ ၁၂ ရက်နေ့မှာ ဘရာဇီးနိုင်ငံ Bahia ပြည်နယ် Salvador မြို့မှာ မွေးဖွားခဲ့တာဖြစ်ပါတယ်။
အရပ်အမြင့်ကတော့ ၅ ပေ ၉လက်မ ရှိပြီး အရပ်မြင့်မြင့်နဲ့ ဘော်ဒီအချိုးအစားအမိုက်စားဖြစ်တဲ့ မော်ဒယ်လ်တစ်ဦးဖြစ်ပါတယ်။ အသက် ၁၅ နှစ်မှာ Ford က ကျင်းပပြုလုပ်ခဲ့တဲ့ “ဘရာဇီးစူပါမော်ဒယ်လ်” ပြိုင်ပွဲမှာ အနိုင်ရခဲ့ပြီးနောက် မော်ဒယ်လ်အလုပ်ကို စပြီးလုပ်ခဲ့ပြီး တဖြည်းဖြည်းနဲ့ နောက်ပိုင်းမှာ အောင်မြင်မှုတွေရလာခဲ့သူဖြစ်ပါတယ်။
တချိန်က အင်မတန်ကျော်ကြားခဲ့တဲ့ Victoria’s Secret မှာ ၁၉၉၉ ခုနှစ်ကနေ ၂၀၁၈ ခုနှစ်အထိ Angel အဖြစ် ပါဝင်လျှောက်လှမ်းခဲ့ပြီး အချိန်အကြာဆုံးပါဝင်ခဲ့တဲ့ မော်ဒယ်လ်လည်းဖြစ်ပါတယ်။ ဒါ့အပြင် Maybelline အတွက် ၂၀၀၃ ခုနှစ်ကတည်းက Spokesmodel အဖြစ်လုပ်ကိုင်ခဲ့ကာ Super Bowl နဲ့ Kia Motors တို့အတွက် ကြော်ငြာတွေလည်း ရိုက်ကူးခဲ့ဖူးပါသေးတယ်။
Sexy လည်းကျကျနဲ့ Free Style လေးလည်းဖြစ်နေစေမယ့် ဖက်ရှင်မျိုးကိုပြပါဆိုရင်တော့ ကမ္ဘာကျော်ဖက်ရှင်မော်ဒယ်လ် Adriana Lima ရဲ့ လမ်းပေါ်ထွက်ဖက်ရှင်တွေကို ပြရမှာဖြစ်ပါတယ်။
Image Source: Pinterest
By MyStyle Myanmar
