အမျိုးသား ပရိသတ်တွေသာမက အမျိုးသမီး ပရိသတ်တွေရဲ့ အားပေးမှုကို ရရှိထားတဲ့ မော်ဒယ်/သရုပ်ဆောင် ခင်ဝင့်ဝါက မကြာခဏဆိုသလိုလည်း ခရီးသွားလေ့ရှိပါတယ်။

ခရီးသွား ဝါသနာပါသူတစ်ဦးလည်း ဖြစ်ပြီး ခရီးသွားတိုင်း ပေါ့ပေါ့ပါးပါး ဝတ်စုံတွေ ဝတ်ဆင်လေ့ရှိပါတယ်။

၂၀၁၃ ခုနှစ် Miss Myanmar Supranational 2013 ဆုကို ဆွတ်ခူးပြီး အနုပညာလောကထဲကို စတင်ဝင်ရောက်လာခဲ့တဲ့ ခင်ဝင့်ဝါဟာ မော်ဒယ်အလုပ်အပြင် ကြော်ငြာတွေ ဇာတ်ကားတွေကိုပါ ဆက်တိုက်ဆိုသလို ရိုက်ကူးနေရသူဖြစ်ပါတယ်။

ရုပ်ရှင်ဇာတ်ကားကြီးတွေလည်းရိုက်ကူးနေပြီး အလုပ်ကိစ္စနဲ့လည်း ခရီးသွားတတ်သလို အလုပ်အားတဲ့အချိန်ဆိုရင် သူမကြိုက်နှစ်သက်တဲ့နေရာတွေကို ခရီးသွားတတ်လေ့ရှိပါတယ်။

ခရီးသွားဝါသနာပါတဲ့ စာဖတ်သူတွေအတွက်လည်း ခင်ဝင့်ဝါဝတ်ဆင်ခဲ့တဲ့ ခရီးသွားဖက်ရှင်အချို့ကို စုစည်းဖော်ပြပေးလိုက်ပါတယ်နော်။