ဆုတွေဟာ တကယ့်အရည်အချင်းသတ်မှတ်ချက် ဖြစ်ချင်မှ ဖြစ်ပါလိမ့်မယ်။ တကယ်တော်တဲ့ သရုပ်ဆောင်တွေ အော်စကာမရတာကို ကြည့်ရုံနဲ့တင် အဲ့ဒီလို တွေးမိနိုင်ပါတယ်။ တချို့မင်းသားကြီးတွေဟာ သူတို့ရဲ့ ဇာတ်ရုပ်မှာ အပီပြင်ဆုံးနဲ့ အထိုက်တန်ဆုံး သရုပ်ဆောင်ခဲ့ကြပေမယ့် အခုထိ အော်စကာမရကြသေးပါဘူး။ ဒီထဲက နာမည်ကျော်သရုပ်ဆောင် ၅ ဦးအကြောင်း ဖော်ပြလိုက်ပါတယ်။
(၁) ဂျွန်နီဒက်ပ်
မင်းသားကြီး ဂျွန်နီဒက်ပ်ကို Pirates of The Caribbean စီးရီးမှာ လူတွေ ပိုသိကြပေမယ့် အကယ်ဒမီဆုစာရင်းမှာ ဆန်ကာတင်ဝင်ခဲ့တဲ့ ရုပ်ရှင်တွေက Pirates of The Caribbean အပြင် Finding Neverland , Sweeney Todd: The Demon Barber of Fleet Street တို့ ဖြစ်ပါတယ်။
(၂) ဂျိတ်ခ် ဂိုင်လန်ဟေးလ်
Nightcrawler ၊ Prisoners နဲ့ Nocturnal Animals တို့မှာ သူ့ရဲ့ အကောင်းဆုံး သရုပ်ဆောင်မှုစွမ်းရည်ပြခဲ့ပေမယ် သူလည်း သရုပ်ဆောင် သက်တမ်း ၁၅ နှစ်အတွင်း တစ်ကြိမ်ပဲ အော်စကာဆန်ကာတင်စာရင်းဝင်ခဲ့ပါတယ်။ ၂၀၀၆ ခုနှစ်က ထွက်ခဲ့တဲ့ Brokeback Mountain ရုပ်ရှင်နဲ့ ဖြစ်ပါတယ်။
(၃) ဂျင်မ်ကာရေး
နာမည်ကြီးဟာသသရုပ်ဆောင် ဂျင်မ်ကာရေးလည်း အော်စကာတစ်ဆုမှ မရဖူးသေးပါဘူး။ ကျွန်တော်တို့ ငယ်ငယ်က သိပ်ကြိုက်ခဲ့တဲ့ The Mask ၊ Ace Ventura: Pet Detective ၊ Yes Man သရုပ်ဆောင်ဟာ ကမ္ဘာ့အကျော်ကြားဆုံး ဟာသသရုပ်ဆောင်တွေထဲက တစ်ယောက်အဖြစ်မှာပဲ ရှိနေသေးတာ ဖြစ်ပါတယ်။
(၄) ကီနူးရိဗ်စ်
ပရိသတ်တွေ မေတ္တာအရှိဆုံး လူမုန်းမရှိတဲ့ မင်းသားကြီး ကီနူးရိဗ်စ်ဟာ နိုင်ငံတကာရုပ်ရှင်ဆုတွေ ရပေမယ့် အော်စကာတစ်ဆုမှ မရဖူးပါဘူး။ ဒါပေမယ့်လည်း ကီနူးရိဗ်စ်ဟာ အောင်မြင်ထင်ရှားပြီး အကောင်းဆုံး ရုပ်ရှင်ကားအတော်များများကို သရုပ်ဆောင်ခဲ့သူအဖြစ်တော့ ထင်ရှားနေဆဲပါ။
