ဖက်ရှင်မကျတဲ့ အဝတ်အစားတွေကို ဖက်ရှင်ကျသွားအောင် ကိုယ်တိုင်ပြောင်းလဲ

ဖက်ရှင်မကျတဲ့ အဝတ်အစားတွေကို ဖက်ရှင်ကျသွားအောင်ကိုယ်တိုင်ပြောင်းလဲလိုက်တဲ့ မိန်းကလေး

Sarah Tyau လို့ခေါ်တဲ့ အမျိုးသမီးလေးက စက်ချုပ်တာနဲ့ အဝတ်အစားတွေကို ပုံစံအမျိုးမျိုးပြောင်းဝတ်ရတာကို စိတ်ဝင်စားသူလေးပါ။ နောက်တော့ သူမအိမ်ထောင်ကျပြီး ပထမသမီးလေးတစ်ယောက်ရလာတော့ ပိုက်ဆံစုဖို့အတွက်အဝတ်အစားအသစ်တွေ ဝယ်မဝတ်တော့ပါဘူး။

စတိုင်လ်ကျဖို့အတွက် ဈေးကြီးတဲ့အဝတ်အစားတွေ ဝယ်စရာမလိုဘူးဆိုတာ သူမသိလာတဲ့ နောက်ပိုင်းမှာ သူမရဲ့ကျွမ်းကျင်မှုကိုအသုံးချပြီးတော့ အင်္ကျီအဝတ်အစားတွေကို ပုံစံအသစ်ထွင်လာပါတယ်။ အခုဆို သူမမှာ ကလေးသုံးယောက်ရှိနေပြီဖြစ်ပြီး သူမရဲ့ Instagram မှာလည်း Follower ပေါင်းမနည်းမနောပါပဲ။

ပထမတော့ သူမအတွက်နဲ့ သူမကလေးတွေအတွက်ပဲ အဝတ်အစားဆင်ပေးတယ်။ သူမက အဝတ်အစားသစ်တွေမဝယ်ပဲ သူမရဲ့အဝတ်အစားအဟောင်းတွေ၊ ဆွေမျိုးတွေဆီက အဝတ်အစားတွေကို အသုံးပြုတယ်၊ တစ်ခါတစ်လေကျရင်လည်း Second-hand ဆိုင်က အင်္ကျီလေးတွေကိုပဲ ပုံစံအသစ်ပြောင်းလိုက်တာပါ။ အဝတ်အစားပုံစံအသစ်လေးတွေက တကယ့်ကိုပဲ ဖက်ရှင်ကျပြီးလှပနေပါတော့တယ်။