အားလုံးပဲ မင်္ဂလာပါ။ ဒီတစ်ခါမှာတော့ ကိုယ်အလေးချိန်တက်လို့စိတ်ညစ်နေတဲ့ပျိုမေလေးတို့အတွက် တစ်လအတွင်း ကိုယ်အလေးချိန်ကျစေမယ့် လွယ်ကူရိုးရှင်းပြီး ထိရောက်တဲ့လေ့ကျင့်ခန်းလေးတွေကို ဝေမျှပေးချင်ပါတယ်။
လေ့ကျင့်ခန်း ၁
Plank ထောက်ရပါမယ်။ ပုံမှာ ပြထားသလိုပဲ ခြေဖျားလေးတွေထောက်ထားပြီး ပုခုံးအောက်တည့်တည့်မှာ တံတောင်ဆစ်ကို ၉၀ ဒီဂရီထောက်ထားရပါမယ်။ တစ်မိနစ်ကနေ သုံးမိနစ်အထိ ပြုလုပ်ပေးပါ။
လေ့ကျင့်ခန်း ၂
ခြေထောက်အနေအထားကတော့ ခုနကခြေထောက် ထောက်ထားတဲ့အနေအထားအတိုင်းပါပဲ။ ဒါပေမဲ့ တံတောင်ဆစ်နဲ့ မထောက်တော့ဘဲ လက်ဖဝါးနဲ့ ပြောင်းထောက်ရပါမယ်။ ပြီးတဲ့အခါ လက်မောင်းဆန့်တန်းပြီး ကြမ်းပြင်ပေါ်ကကြွလိုက် တံတောင်ဆစ်ကွေးပြီး ခန္ဓာကိုယ်အပေါ်ပိုင်းကို နိမ့်ချလိုက်နဲ့ တစ်မိနစ်ပြည့်အောင် ပြုလုပ်ပါ။
လေ့ကျင့်ခန်း ၃
ပုခုံးအကျယ်အတိုင်း ခြေထောက်နှစ်ဖက်ကို ခြားထားပါ။ ပြီးရင် ခုံတစ်လုံးပေါ်ထိုင်တော့မယ့်အနေအထားနဲ့ ဒူးကွေးပြီး တင်ပါးကို နောက်ပစ်လိုက်ပါ။ ပြန်ထတဲ့အခါ အသက်ရှုထုတ်လိုက်ပါ။ ထိုင်လိုက် ထလိုက်နဲ့ ၂ မိနစ်ခန့်ပြုလုပ်ပေးပါ။
လေ့ကျင့်ခန်း ၄
လက်နှစ်ဖက်ကို တံတောင်ဆစ်အောက်မှာထောက်ထားပြီး ဒူးခေါင်းလည်းထောက်ထားလိုက်ပါ။ ပြီးတဲ့အခါ ပုံမှာပြထားသလို ဘယ်ခြေနဲ့ ညာလက်ကို ဆန့်တန်းလိုက်ပါ။ စက္ကန့်အနည်းငယ်လောက်ကြာမှ မူလအနေအထားပြန်ပြောင်းပြီး ညာခြေနဲ့ ဘယ်လက်ကို ဆန့်တန်းလိုက်ပါ။ စက္ကန့်အနည်းငယ်လောက်ဆန့်တန်းပြီး မူလအနေအထားအတိုင်းပြန်ပြောင်းပါ။ ဒီလိုမျိုး တစ်လှည့်စီပြုလုပ်ပေးလိုက်ပါ။ ဒီလေ့ကျင့်ခန်းကိုတော့ တစ်မိနစ်ကနေ သုံးမိနစ်အထိပြုလုပ်ပေးပါ။
လေ့ကျင့်ခန်း ၅
ပထမပုံမှာ ပြထားသလို ခန္ဓာကိုယ်ကို လှဲလျောင်းကာ လက်နှစ်ဖက်ကို ခန္ဓာကိုယ်ဘေးဘက်မှာထားပါ။ ခြေထောက်ကို အနည်းငယ်ချဲထားပါ။ ပြီးတဲ့အခါ ဒုတိယပုံစံအတိုင်း တင်ပါးကို အပေါ်ကြွလိုက်တဲ့အခါမှာ ခန္ဓာကိုယ်က မျဉ်းစောင်းအဖြောင့်ပုံစံအတိုင်းဖြစ်နေရပါမယ်။ စက္ကန့်အနည်းငယ်ကြာမှ မူလအနေအထားအတိုင်းပြန်ပြောင်းပါ။ ဒီလေ့ကျင့်ခန်းကို ၁ မိနစ်ကနေ ၃ မိနစ်အထိ ပြုလုပ်ပေးပါ။
လေ့ကျင့်ခန်း အစီအစဉ် ၁ အရ အခုဖော်ပြသွားတဲ့အတိုင်း အစဉ်လိုက်ပြုလုပ်ပေးပါ။ လေ့ကျင့်ခန်း ၁ (၁ မိနစ်)၊ လေ့ကျင့်ခန်း ၂ (၁ မိနစ်)၊ လေ့ကျင့်ခန်း ၃ (၂ မိနစ်)၊ လေ့ကျင့်ခန်း ၄ (၁ မိနစ်)၊ လေ့ကျင့်ခန်း ၅ (၁ မိနစ်)၊ လေ့ကျင့်ခန်း ၁ (၁ မိနစ်)၊ လေ့ကျင့်ခန်း ၂ (၁ မိနစ်)၊ လေ့ကျင့်ခန်း ၃ (၂ မိနစ်)
လေ့ကျင့်ခန်း အစီအစဉ် ၂ အရ အခုဖော်ပြထားတဲ့အတိုင်း အစဉ်လိုက်ပြုလုပ်ပေးပါ။ လေ့ကျင့်ခန်း ၁ (၃ မိနစ်)၊ လေ့ကျင့်ခန်း ၄ (၃ မိနစ်)၊ လေ့ကျင့်ခန်း ၅ (၃ မိနစ်)၊ လေ့ကျင့်ခန်း ၂ (၁ မိနစ်)
ပထမအပတ်ရဲ့ ပထမဆုံးရက်မှာ လေ့ကျင့်ခန်း အစီအစဉ် ၁ အတိုင်းပြုလုပ်ပါ။ ဒုတိယရက်ကိုတော့ လေ့ကျင့်ခန်း အစီအစဉ် ၂ အတိုင်း ပြုလုပ်ပေးပါ။ ခြောက်ရက်တိတိ တစ်လှည့်စီပြုလုပ်ပြီး ၇ ရက်မြောက်နေ့မှာတော့ လေ့ကျင့်ခန်း မလုပ်ဘဲ နားလိုက်ပါ။ ဒုတိယရက်သတ္တပတ်ကျရင်လည်း လေ့ကျင့်ခန်း အစီအစဉ် ၁ နဲ့ အစီအစဉ် ၂ ကို တစ်လှည့်စီပြုလုပ်ပြီး ၇ ရက်မြောက်နေ့မှာ အနားပေးလိုက်ပါ။ ဒီလိုနဲ့ တစ်လပြည့်တဲ့အခါမှာတော့ သင့်ခန္ဓာကိုယ်လေးက သွယ်လျလှပသွားမှာ အမှန်ပါပဲ။
Source: Brightside.me
