မင်္ဂလာပါနော်။ မိမိအိမ်မှာပဲ သဘာဝနည်းလမ်းနဲ့ Moisturizer ကို ဘယ်လိုလုပ်ရမလဲဆိုတာ ဒီတခါမျှဝေပေးချင်ပါတယ်။

မိတ်ကပ်လိမ်းတဲ့အခါမှာပဲဖြစ်ဖြစ်၊ ညအိပ်ယာဝင်တဲ့အခါမှာပဲဖြစ်ဖြစ်၊ Lotion အနေနဲ့ပဲဖြစ်ဖြစ် အသုံးပြုလို့ရတဲ့ သဘာဝ Moisturizer လုပ်နည်းလေးဖြစ်ပါတယ်နော်။

အသားအရေ အမျိုးအစား အားလုံးနဲ့လည်း သင့်တော်မှာဖြစ်ပါတယ်။

Glycerin အရည် စားပွဲတင်ဇွန်း ၁ ဇွန်း

နှင်းဆီရည် စားပွဲတင်ဇွန်း ၄ ဇွန်း

လတ်ဆတ်တဲ့ သံပရာရည် လက်ဖက်ရည်ဇွန်း တစ်ဝက်

Orange Essential Oil (လိမ္မော်ဆီ) ၃ စက်

ပြုလုပ်နည်း

နှင်းဆီရည်လုပ်နည်းကို အရင်မျှဝေပေးပါမယ်။ နှင်းဆီပန်းပွင့်ကို အပွင့် သေချာချွေလိုက်ပါ။ ပြီးရင် ရေစစ်ပေးလိုက်ပါ။ ရေနွေးတည်ပြီး ရေနွေးပွက်လာတဲ့အခါ နှင်းဆီပန်းပွင့်ကိုထည့်လိုက်ပါ။ ပြီးရင်တော့ အပူချိန်လျှော့လိုက်ပြီး နှင်းဆီ ပွင့်ဖတ်တွေကို ရေစစ်လိုက်ကာ အအေးခံလိုက်ပါ။

ပါဝင်ပစ္စည်းတွေအားလုံးကို သေချာရောလိုက်ပါ။ ပြီးရင်တော့ စပရေးဘူးတစ်ခုထဲ ထည့်ထားပြီး သင့်မျက်နှာ၊ လည်ပင်းနဲ့ ခန္ဓာကိုယ်အနှံ့ကို သေချာဖြန်းပြီး လိမ်းပေးနိုင်ပါတယ်။

စပရေးဘူးထဲ မထည့်ထားရင်တောင် ဘူးတစ်ခုထဲ ထည့်ထားလိုက်ပြီး သုံးပေးနိုင်ပါတယ်။

ဒီ Moisturizer မသုံးခင် မျက်နှာသေချာသစ်ပေးထားပါ။

Photo: www.wikihow.com

www.blushybabe.com