ခန္ဓာကိုယ်မှာ အဆီပိုတွေမရှိဘဲ ကြွက်သားတွေ ကျစ်ကျစ်လျစ်လျစ်လေးနဲ့ လှပချင်တာကတော့ မိန်းကလေးတွေ အားလုံးရဲ့ အိပ်မက်ပဲဖြစ်ပါတယ်။ အစားအသောက်တွေ ခုံမင်နှစ်သက်တာကလည်း မိန်းကလေးတိုင်းနီးပါးပါပဲ။

အစားအသောက်တွေ အလွန်အကျွံစားမိလို့ ဝိတ်တက်လာပြီဆိုရင်တော့ စိတ်ညစ်မသွားဘဲ အခုဖော်ပြပေးမယ့် လေ့ကျင့်ခန်းလေးတွေကို တစ်ပတ် ၃ ရက်ခန့်နဲ့ ၅ ပတ်တိတိ ပြုလုပ်ပေးလိုက်ပါ။

လေ့ကျင့်ခန်း (၁)

ခြေထောက်နှစ်ဖက်ကို ကပ်ထားပြီး လက်နှစ်ဖက်ကို ခန္ဓာကိုယ်ဘေးဘက် ကပ်ထားပါ။ အသင့်ဖြစ်ပြီဆိုတာနဲ့ ခြေထောက်ကားပြီး လက်ကို အပေါ်လွှဲလိုက်ပါ။ မူလအနေအထားအတိုင်း ပြန်နေပါ။ အကြိမ်ရေ ၃၀ မှ ၅၀ အတွင်း ပြုလုပ်ပေးလိုက်ပါ။

လေ့ကျင့်ခန်း (၂)

လေ့ကျင့်ခန်းပြုလုပ်တဲ့ ဖျာပေါ်မှာ လှဲလျောင်းနေပါ။ ထို့နောက် ခြေထောက်နှစ်ချောင်းကို အပေါ်မြှောက်လိုက် အောက်ချလိုက်နဲ့ တစ်လှည့်စီပြုလုပ်ပေးလိုက်ပါ။ အကြိမ်ရေ ၃၀ ကနေ ၄၅ အတွင်း ပြုလုပ်ပေးရပါမယ်။

လေ့ကျင့်ခန်း (၃)

ပုံမှာ ပြထားတဲ့အတိုင်း ခြေထောက်ချဲထားပြီး မတ်တပ်ရပ်နေပါ။ ထို့နောက် တင်ပါးကို နောက်ပစ်ပြီး ဖြည်းဖြည်းချင်း ထိုင်ချလိုက်ပါ။ အကြိမ်ရေ ၂၀ မှ ၄၅ အတွင်း ပြုလုပ်ပေးရပါမယ်။

လေ့ကျင့်ခန်း (၄)

ဒိုက်ထိုးမယ့်အနေအထားအတိုင်း အသင့်ပြင်ထားပြီး တံတောင်ဆစ်ကို ကွေးလိုက် ပြန်ဆန့်လိုက် ပြုလုပ်ပေးပါ။ အကြိမ်ရေ ၂၀ မှ ၃၀ အတွင်း ပြုလုပ်ပေးပါ။

လေ့ကျင့်ခန်း (၅)

လက်နှစ်ဖက်ကို ပုခုံးအောက်မှာ ဆန့်တန်းထားပါ။ ဒူးခေါင်းကို ရင်ဘတ်ဆီသို့ ဆွဲယူရင်း တောင်တက်တဲ့ပုံစံပြုလုပ်ပေးရမှာပဲဖြစ်ပါတယ်။ ဘယ်ညာ တစ်လှည့်စီပြုလုပ်ပေးပါ။ အကြိမ် ၂၀ မှ ၄၀ အတွင်းပြုလုပ်ပေးပါ။

လေ့ကျင့်ခန်း (၆)

လေ့ကျင့်ခန်းပြုလုပ်တဲ့ဖျာပေါ်မှာ ဒူးထောင်လျက်သား လှဲလျောင်းနေပါ။ လက်နှစ်ဖက်ကို ဦးခေါင်းအနောက်မှာ ထားထားပါ။ ဗိုက်ကြွက်သားအသုံးပြုပြီး ခန္ဓာကိုယ်အပေါ်ပိုင်း ကြွလိုက်ပါ။ လည်ပင်းကြွက်သား အသုံးပြုခြင်းမှ ရှောင်ကြဉ်ပါ။ အကြိမ်ရေ ၂၀ မှ ၃၀ အတွင်း ပြုလုပ်ရပါမယ်။

လေ့ကျင့်ခန်း (၇)

အရင်ဦးဆုံး မတ်တပ်ရပ်နေပါ။ ဘယ်ခြေကို ရှေ့ထုတ်ပြီး ထောင့်မှန်ကျ ကွေးညွှတ်လိုက်ပါ။ မူလအနေအထားအတိုင်းပြန်နေပါ။ တစ်ဖန် ညာခြေကို ရှေ့ထုတ်ပြီး ထောင့်မှန်ကျ ကွေးညွှတ်လိုက်ပါ။ ဘယ်ညာကို တစ်ကြိမ်လို့ သတ်မှတ်ပြီး အကြိမ်ရေ ၂၀ မှ ၅၅ အတွင်း ပြုလုပ်ပေးနိုင်ပါတယ်။

Source: brightside.me