နှုတ်ခမ်းနီဆိုးတဲ့မိန်းကလေးတိုင်း သိထားသင့်တဲ့ နည်းလမ်းကောင်း (၅) မျိုး

မိန်းကလေးတိုင်းကတော့ နှုတ်ခမ်းနီဆိုးကြမှာပါပဲ။ နှုတ်ခမ်းနီဆိုးထားတဲ့သူဟာ နှုတ်ခမ်းနီမဆိုးထားတဲ့သူထက် ပိုပြီးမျက်နှာကလင်းလင်းလေးနဲ့ လှပနေတာပါ။ ဒီလိုနှုတ်ခမ်းနီဆိုးတော့မယ်ဆိုရင် Perfect ဖြစ်ပြီး လှပသပ်ရပ်နေအောင် သတိထားရမယ့်နည်းလမ်းကောင်းလေးတွေကို မျှဝေပေးလိုက်ပါတယ်။

နှုတ်ခမ်းခြောက်နေရင်တော့ နှုတ်ခမ်းနီဆိုးရင် လုံးဝမလှပါဘူး။ ဒါကြောင့် နှုတ်ခမ်းသားခြောက်သွေ့နေတဲ့သူတွေဟာ နှုတ်ခမ်းနီမဆိုးခင်မှာ Lip Balm ကိုအရင်ဆိုးပေးပါ။ ပြီးရင် နှုတ်ခမ်းကို သွားပွတ်တံနဲ့ပွတ်တိုက်ပေးပြီး တစ်ရှူးနဲ့သုတ်လိုက်ပါ။ ဒါတွေလုပ်ပြီးမှ နှုတ်ခမ်းနီဆိုးမယ်ဆိုရင်တော့ လှပတဲ့နှုတ်ခမ်းလေးကို ရရှိစေမှာပါ။

Source: www.advanceddermatologypc.com

နှုတ်ခမ်းနီဆိုးတဲ့အခါမှာ လှပသေသပ်နေစေဖို့ Lip Liner နဲ့ပုံဖော်ဖို့ မမေ့ပါနဲ့။ နှုတ်ခမ်းနီဆိုးပြီးရင် မညီမညာနဲ့ပေကျံသွားတာမျိုးတွေ ရှိတတ်ပါတယ်။ ဒီလိုမဖြစ်ရအောင် နှုတ်ခမ်းနီဆိုးပြီးတိုင်းမှာ Concealer ကို Brush နဲ့ယူပြီး နှုတ်ခမ်းဘေးနားတွေမှာ လိုက်သုတ်ပေးပါ။

Source: www.trendcrown.co

နှုတ်ခမ်းနီဆိုးတဲ့အခါမှာ Long Lasting ကြာရှည်ခံအောင် နှုတ်ခမ်းနီဆိုးပြီးတာနဲ့ တစ်ရှူးကိုနှုတ်ခမ်းမှာကပ်လိုက်ပါ။ ပေါင်ဒါကို Brush နဲ့ယူပြီး ကပ်ထားတဲ့တစ်ရှူးမှာပွတ်မယ်ဆိုရင်တော့ ဆိုးထားတဲ့နှုတ်ခမ်းနီဟာ ကြာရှည်ခံပါတယ်။

Source: www.thenailspa.com

နှုတ်ခမ်းနီကို အရောင်အရမ်းနုတာမျိုးဆိုးချင်ရင် နှုတ်ခမ်းသားမှာ Foundation အရင်တို့လိမ်းပေးပြီး Brush နဲ့ပွတ်ပေးပါ။ ပြီးမှသာ Nude Color ဘက်သွားတဲ့ အရောင်နုတာလေးကိုဆိုးပေးမယ်ဆိုရင်တော့ နှုတ်ခမ်းနီအရောင်နုတာလေးကိုလည်း ရရှိစေသလို နှုတ်ခမ်းနီလည်းကြာရှည်ခံပါတယ်။

Source: www.lamdep.net.vn

များသောအားဖြင့် လှည့်ဖွင့်ရတဲ့နှုတ်ခမ်းနီတောင့်တွေဟာ ဆိုးလို့မရတော့လို့ကုန်သွားပေမယ့် အထဲမှာ နှုတ်ခမ်းနီတွေက ကျန်နေပါသေးတယ်။ ဒါကြောင့် ကလော်လို့ရတဲ့အရာတစ်ခုကိုယူပြီး နှုတ်ခမ်းနီအတောင့်ထဲကို ကလော်လိုက်မယ်ဆိုရင်တော့ နှုတ်ခမ်းနီတွေပါလာတာကို တွေ့ရမှာပါ။

ရလာတဲ့နှုတ်ခမ်းနီတွေကို ဇွန်းထဲထည့်ပြီး ဖယောင်းတိုင်နဲ့မီးအပူပေးပါ။ အရည်ပျော်သွားရင်တော့ မျက်ကပ်မှန်ထည့်တဲ့ဘူး (သို့) ဘူးအလွတ်တစ်ခုထဲကို ထည့်ထားလိုက်ပါ။ ပြီးရင်တော့ ကိုယ်ဆိုးချင်တဲ့အခါမှာ Brush လေးနဲ့ယူပြီး ဆိုးလို့ရပါတယ်။