ဘယ်လိုအသားအရောင်မျိုးနဲ့မဆို လိုက်ဖက်မှုရှိစေတဲ့ လက်သည်းနီအရောင်များ

မိန်းကလေးတော်တော်များများကတော့ လက်သည်းနီဆိုးရတာကို ဝါသနာပါကြတာများပါတယ်။ ဒီလိုလက်သည်းနီဆိုးရတာကို ဝါသနာပါတဲ့ ပျိုမေတို့အတွက် ဘယ်လိုအသားအရောင်မျိုးနဲ့မဆို လိုက်ဖက်တဲ့ လက်သည်းနီအရောင်လေးတွေကို ရွေးချယ်ပေးလိုက်ပါတယ်။

ကြက်သွေးရောင်လို့ခေါ်တဲ့ ဒီအရောင်လေးဆိုရင် လူကြိုက်အများဆုံးအရောင်လေးပါ။ ဒီအရောင်လေးက လူကြီးလူငယ်အကုန်လုံးနဲ့လိုက်ဖက်တဲ့ အရောင်လေးဖြစ်တဲ့အပြင် ဘယ်လိုအသားအရောင်မျိုးနဲ့ပဲဖြစ်ဖြစ် လိုက်ဖက်မှုရှိစေလို့ မိန်းကလေးတိုင်းမှာရှိထားသင့်တဲ့ လက်သည်းနီအရောင်လေးပါ။

လူတိုင်းနဲ့လိုက်ဖက်တဲ့ နောက်ထပ်အရောင်လေးကတော့ အနီရောင်ပါ။ အသားဖြူတဲ့သူတွေဆိုရင် အနီရောင်လေးနဲ့ အရမ်းကိုလိုက်ဖက်မှုရှိပါတယ်။ အသားညိုတဲ့သူတွေအနေနဲ့လည်း မလိုက်ဘူးလို့မထင်ပါနဲ့။ ဘယ်အရောင်ပဲဆိုးဆိုး Confident အပြည့်နဲ့သာဆိုးလိုက်ပါ။

အုတ်ကျိုးရောင်ဘက်သွားတဲ့ လက်သည်းနီအရောင်လေးက အသားဆောင်စေပါတယ်။ ဒါကြောင့်လည်း ဘယ်လိုအသားရောင်မျိုးနဲ့ဖြစ်ဖြစ် လိုက်ဖက်မှုရှိစေပါတယ်။ အရောင်လေးကလည်းငြိမ်တဲ့အတွက် လူကြိုက်များတဲ့အရောင်ထဲက တစ်ခုပါ။

ပန်းခရမ်းရောင်ဘက်သွားတဲ့ လက်သည်းနီလေးကတော့ မိန်းကလေးဆန်ဆန်နဲ့အရမ်းလှပါတယ်။ အသားရောင်မရွေးလိုက်ဖက်တာဖြစ်လို့ အသားညိုတဲ့သူတွေအနေနဲ့လည်း ဆိုးလို့ရပါတယ်။ အခုခေတ်မှာ အသားမဲလို့၊ အသားညိုလို့ မလိုက်ဘူးဆိုတာတွေ မရှိတော့ပါဘူးနော်။

အခုခေတ်ကောင်မလေးတွေကြိုက်တဲ့ အရောင်လေးကတော့ Nude ကာလာလေးပါ။ သူကအရောင်ငြိမ်ငြိမ်လေးနဲ့ အရမ်းလှပြီးအသားလည်းဆောင်ပါတယ်။ ဒါကြောင့် အသားအရောင်မရွေးဆိုးလို့ရပါတယ်။

မီးခိုးရောင်ဘက်သွားတဲ့ လက်သည်းနီလေးကလည်း အသားဆောင်တဲ့ လက်သည်းနီအရောင်လေးပါ။ လူငယ်အကြိုက်အရောင်လေးလို့လည်း ပြောလို့ရပါတယ်။ ဒီအရောင်လေးကလည်း အသားအရောင်မရွေး လိုက်ဖက်တာဖြစ်လို့ မိန်းကလေးတိုင်းမှာ ရှိထားသင့်တယ်လို့ထင်ပါတယ်။

အညိုဘက်သွားတဲ့အရောင်လေးကလည်း လူကြိုက်များပါတယ်။ ဒီအရောင်လေးဆိုရင် အသားဖြူတဲ့သူတွေနဲ့ အရမ်းလိုက်ဖက်သလို အသားညိုတဲ့သူတွေနဲ့လည်း လိုက်ဖက်ပါတယ်။ ဒီအရောင်လေးကို ဆိုးမယ်ဆိုရင်တော့ လက်သည်းလေးကရှည်နေမှ လှမှာနော်။

Source: www.pinterest.com