မနက်ခင်းမှာ မင်းသမီးလေးတစ်ယောက်လိုမျိုး နိုးထလာနိုင်ဖို့ ညဖက်မှာလုပ်ပေးသင့်တဲ့အရာများ

မနက်ခင်းတိုင်းမှာ မင်းသမီးလေးတစ်ယောက်လိုမျိုး လှလှပပနဲ့နိုးထလာနိုင်ဖို့ဆိုတာ အရမ်းကိုချောမောလှပလွန်းတဲ့သူတွေမှာတောင် မလွယ်ကူလွန်းပါဘူး။ အချိန်တိုင်းမှာလှပနေဖို့အတွက် ဘာတွေလိုအပ်မလဲ။ အဓိကကတော့ ထိန်းသိမ်းစောင့်ရှောက်တတ်ဖို့ပါပဲ။ အသားအရေကို သေချာထိန်းသိမ်းစောင့်ရှောက်မယ်၊ ညဘက်အိပ်ခါနီးအချိန်တွေမှာ ပြင်ဆင်ရမယ့်အရာတွေကို ပြင်ဆင်ထားမယ်ဆိုရင်တော့ မင်းသမီးလေးတစ်ယောက်လိုမျိုး လှလှပပနိုးထလာနိုင်မှာပါ။

အရေးအကြောင်းတွေမရှိအောင်

Source: dear olena

အသားအရေလေးက ချောမွေ့နေပြီး အရေးအကြောင်းတွေကင်းစင်နေမယ်ဆိုရင်တော့ မလှပစရာအကြောင်းမရှိပါဘူး။ မျက်နှာပေါင်းတင်တဲ့ Face Mask တွေကိုသေချာအသုံးပြုမယ်၊ မျက်နှာကိုလည်း သန့်စင်အောင်သေချာသစ်ပေးမယ်ဆိုရင်တော့ လှပတဲ့အသားအရေမျိုးလေးနဲ့ မနက်ခင်းတိုင်းကလှပနေမှာပဲဖြစ်ပါတယ်။

ခြေဖဝါးလေးတွေနူးညံ့နေဖို့

Source: womens edge

သင်ကခြေထောက်မှာ ခြေဆီမထွက်ဘဲ အသားအရေခြောက်ပြီး ခြေဖနောင့်ကွဲတတ်သူတစ်ယောက်ဆိုရင် အိပ်ခါနီးအချိန်တိုင်းမှာ သင့်ခြေဖဝါးလေးတွေကို အစိုဓာတ်ရရှိနေအောင်အရင်လုပ်ပေးသင့်ပါတယ်။ နည်းလမ်းကောင်းလေးကတော့ Vaseline ကိုခြေထောက်မှာလိမ်းပေးပြီး ခြေအိတ်စွပ်ပြီးအိပ်မယ်ဆိုရင် မနက်နိုးလာတဲ့အခါမှာ ခြေဖဝါးလေးက နူးညံ့ပြီး ဖြူစင်ချော့မွေ့နေတာကို မြင်တွေ့ရမှာပဲဖြစ်ပါတယ်။

နှုတ်ခမ်းသားလေးတွေ နူးညံ့နေအောင်

Source: The Fit Global

သင့်နှုတ်ခမ်းသားလေးတွေကလည်း နူးညံ့မှုရှိနေမှလည်း လှပမှာဖြစ်ပါတယ်။ နှုတ်ခမ်းတွေက ခြောက်သွေ့ပြီးကွဲအက်နေမယ်ဆိုရင် နှုတ်ခမ်းနီတွေဆိုးရင်လည်း မလှတော့ဘူးပေါ့။ ဒါကြောင့် နှုတ်ခမ်းသားကိုအစိုဓာတ်ပြန်လည် ဖြည့်တင်းပေးနိုင်တဲ့ သံလွင်ဆီကို အိပ်ခါနီးတိုင်း နှှုတ်ခမ်းပေါ်မှာလိမ်းထားပေးလိုက်ပါ။

အသားအရေလေးချောမွေ့ပြောင်တင်းနေဖို့

Source: Beauty-Health_fashion

သင့်အသားအရေလေးက ချောမွေ့ပြီး ပြောင်တင်းနေဖို့အတွက်ဆိုရင်လည်း ညအိပ်ခါနီးအချိန်တွေမှာ သံလွင်ဆီကိုလိမ်းပေးပြီး အနည်းငယ်လောက်နှိပ်နယ်ပေးလိုက်မယ်ဆိုရင် မနက်နိုးလာတဲ့အခါမှာ ကောင်းမွန်တဲ့ အသားအရေကိုပိုင်ဆိုင်ရပြီးသားဖြစ်နေမှာပါ။

ဒီနည်းလမ်းတွေကတော့ အရမ်းကိုလှချင်တဲ့ပျိုမေတို့အတွက် မနက်ခင်းတိုင်းမှာ မင်းသမီးလေးတစ်ယောက်လိုမျိုး နိုးထလာရစေမယ့်နည်းလမ်းကောင်းလေးတွေပဲဖြစ်ပါတယ်နော်။