စကတ် နဲ့ Dress ဝတ်စုံတွေဝတ်တဲ့အခါမှာ ကိုယ့်ကိုကိုယ် အရမ်း Formal ကျပြီး Outdate ဖြစ်နေတယ်လို့ ခံစားနေရလား။ ဒါဆိုရင်တော့အရင်ဆုံး အကြံပြုချင်တာက မိမိကိုယ်ကို ယုံကြည်မှုအပြည့်ရှိပါ။ သင်ဘာပဲဝတ်ဝတ်လှပါတယ်နော်။
ဈေးကြီးတဲ့အဝတ်အစား လက်ဝတ်လက်စားတွေမပါဘဲ သင့်ကိုလှနေစေတာ ဖက်ရှင်ကျစေတာကတော့ သင့်ရဲ့ မိမိကိုယ်ကို ယုံကြည်မှုပဲဖြစ်ပါတယ်။
သင့်အသားအရေနဲ့ လိုက်ဖက်တဲ့ အရောင်ကိုရွေးချယ်ပါ
Dress (သို့) စကတ်ကို ဝတ်ဆင်တဲ့အခါ သင့်အသားအရေနဲ့ လိုက်ဖက်တဲ့ ပုံစံကို ရွေးချယ်ဝတ်ဆင်သင့်ပါတယ်။ ဒါ့အပြင် အဝတ်အစားအရာင်ကိုလိုက်ဖက်အောင် ရွေးချယ်ပြီး သင့်ရဲ့ Accessory တွေနဲ့လည်း လိုက်ဖက်အောင် ဝတ်ဆင်ပေးပါ။
သင့်ခန္ဓာကိုယ်အချိုးအစားကို ပေါ်လွင်စေတဲ့ အဝတ်အစားမျိုးရွေးချယ်ပါ
Dress ဝတ်တဲ့အခါမှာပဲဖြစ်ဖြစ် စကတ်ဝတ်တဲ့အခါမှာပဲဖြစ်ဖြစ် ဖက်ရှင်ကျနေစေဖို့ Cutting ကောင်းကောင်းနဲ့ အဝတ်အစားတွေကို ဝတ်ပါ။ A Line Skirt (သို့) Dress ကိုဝတ်ဆင်လို့လည်းရပါတယ်။
Accessory တွေအများကြီးမဝတ်ပါနဲ့
စကတ် (သို့) Dress ဝတ်စုံကို ဝတ်တဲ့အခါ Accessory တွေအများကြီး မဝတ်ပါနဲ့။ ရိုးရိုးရှင်းရှင်းပဲ ဝတ်ပေးပါ။ နားကပ်၊ ဆွဲကြိုး စတာတွေကို ဝတ်ဆင်နိုင်ပါတယ်။
