အစရှိရင်အဆုံးရှိပြီး အဆုံးသတ်ဟာလည်း အသစ်တစ်ခုစတင်ခြင်းရဲ့ အစပဲဖြစ်ပါတယ်။ အနုပညာရှင်တော်တော်များများဟာ သူတို့ရဲ့ ဆက်ဆံရေးနဲ့ပတ်သက်လို့ ပရိသတ်တွေကို ချပြလိုက်တဲ့အချိန်မှာ အားပေးတဲ့ ပရိသတ်တွေရှိသလို အသည်းအနည်းငယ်ကွဲသွားတဲ့ ပရိသတ်တွေလည်းရှိပါတယ်။ သဘောတူတဲ့သူအချင်းချင်းချစ်သူဖြစ်ရင် ဝမ်းသာပေမယ့် သဘောမတူတဲ့သူနဲ့ဆိုရင်လည်း အူတိုကြပြန်ပါတယ်။
လမ်းခွဲလိုက်ပြီလို့ ကြေညာလိုက်ပြီးနောက် ပရိသတ်တွေ စိတ်မကောင်းဖြစ်ခဲ့ရတဲ့ တောင်ကိုးရီးယား Cele စုံတွဲတွေကို မျှဝေပေးချင်ပါတယ်။
၁။ Nam Joo Hyuk နဲ့ Lee Sung Kyung
အားလုံးသိကြတဲ့အတိုင်း ပရိသတ်အချစ်တော်တွေဖြစ်ကြတဲ့ Nam Joo Hyuk နဲ့ Lee Sung Kyung တို့ရဲ့ အချစ်ရေးဟာ တိုတောင်းလွန်းလှပါတယ်။ ဇာတ်ကားရိုက်ရင်းချစ်သူတွေဖြစ်ခဲ့ကြတယ်ဆိုတာသိပေမယ့် ပရိသတ်တွေကို တရားဝင်အသိပေးကြေညာပြီး သိပ်မကြာခင်မှာပဲ လမ်းခွဲလိုက်ကြလို့ ပရိသတ်တွေက စိတ်မကောင်းဖြစ်ခဲ့ကြရပါတယ်။ ဧပြီလကကြေညာပြီး သြဂုတ်လမှာ လမ်းခွဲခဲ့ကြတာဖြစ်ပါတယ်။
၂။ Kai နဲ့ Krystal
EXO အဖွဲ့ဝင် Kai နဲ့ f(x) အဖွဲ့ဝင် Krystal တို့ဟာ SM Entertainment ပဲဖြစ်ပါတယ်။၁၉၉၄ ခုနှ်မှာမွေးခဲ့ပြီး မွေးသက္ကရာဇ်လည်းတူပါတယ်။ ထရိန်နင်ကာလမှာ စပြီး သူငယ်ချင်းဖြစ်ခဲ့ကြတာပါ။ တရားဝင်တွဲပြီး တစ်နှစ် ၁ လအကြာ ၂၀၁၇ မေလမှာ လမ်းခွဲခဲ့ပါတယ်။
၃။ Shin Ha Kyun နဲ့ Kim Go Eun
ပရိသတ်အချစ်တော်တွေပါပဲနော်။ Shin Ha Kyun နဲ့ Kim Go Eun တို့က သူတို့ရဲ့ အချစ်ရေးကို ၂၀၁၆ ခုနှစ် သြဂုတ်လက စပြီးကြေညာခဲ့တာဖြစ်ပါတယ်။ အသက်က ၁၇ နှစ်လောက်ကွာပါတယ်။ တွဲပြီး ၈ လအကြာ ၂၀၁၇ မတ်လ ၂၁ ရက်နေ့မှာ လမ်းခွဲခဲ့ကြပါတယ်။
၄။ Jang Ki Ha နဲ့ IU
သူတို့နှစ်ယောက်ကလည်း တစ်ယောက်နဲ့တစ်ယောက် အသက် ၁၁ နှစ်တောင်ကွာပါတယ်။ ဂီတကို စိတ်ဝင်စားတာချင်းတူတာကြောင့် လိုက်ဖက်တဲ့ စုံတွဲပါပဲ။ ၂၀၁၅ ခုနှစ် အောက်တိုဘာလမှာ စပြီး ဒိတ်ခဲ့ပြီး ၂၀၁၇ ခုနှစ် ဇန်နဝါရီလမှာ လမ်းခွဲခဲ့ကြပါတယ်။
၅။ Lee Sang Yoon နဲ့ Uee
Lee Sang Yoon နဲ့ Uee တို့နှစ်ယောက်ဟာ ၂၀၁၆ခုနှစ် မေလက သူတို့နှစ်ယောက်တွဲနေတဲ့အကြောင်း တရားဝင်ကြေညာခဲ့ပါတယ်။ သူငယ်ချင်းတွေက မိတ်ဆက်ပေးခဲ့ပြီး စဒိတ်တာကတော့ ၂၀၁၆ ဇန်နဝါရီလကဖြစ်ပါတယ်။ တွဲပြီး တစ်နှစ်အကြာ ၂၀၁၇ ခုနှစ် ဇန်နဝါရီလမှာ လမ်းခွဲခဲ့ကြပါတယ်။
