တစ်ချို့သူတွေက စကားမပြောခင်မှာ အဲဒီစကား ဘယ်ထိရောက်သွားမလဲ။ ဘယ်လောက်ထိ ထိခိုက်မှုတွေရှိနိုင်လဲဆိုတာ အရင်စဉ်းစားကြပါတယ်။ စကားဆိုတာ ပြောတိုင်းလည်းကောင်းတာမဟုတ်ပါဘူး။ လူရှေ့သူရှေ့မှာ မပြောသင့်တဲ့ စကားတွေရှိပါတယ်။
မတရားဘူး
ဟုတ်ပါတယ်။ လောကကြီးက မတရားပါဘူး။ ဒါပေမယ့် အဲဒါကို စောဒကတက်နေလို့လည်း လက်ရှိအခြေအနေကို ဖြေရှင်းပေးနိုင်မှာမဟုတ်ပါဘူး။ တစ်ခုခု မှားနေတာရှိရင် ပြဿနာရှိရင် ဖြေရှင်းဖို့ ကြိုးစားသင့်ပါတယ်။ အပြစ်တင်ရုံနဲ့တော့ ဘာမှဖြစ်လာမှာမဟုတ်ပါဘူး။
ဘယ်တော့မှ (သို့) အမြဲတမ်း
တစ်ချို့သူတွေက စိတ်ဆိုးလာတဲ့အခါမှာ နင်က ဘယ်တော့မှ ဒီလိုဖြစ်လာမှာမဟုတ်ဘူး။ နင်ကအမြဲတမ်း ဒီလိုပဲလို့ အပြစ်တင်လေ့ရှိကြပါတယ်။ ဘယ်တော့မှ နဲ့ အမြဲတမ်းဆိုတဲ့စကားကို မသုံးသင့်ပါဘူး။
ငါအရင်ကပြောခဲ့သလိုပဲ
လူတစ်ယောကို ငါအရင်ကပြောခဲ့သလိုပဲ နင်က …. ဆိုပြီး ထပ်ခါထပ်ခါ ပြန်ပြော အပြစ်တင်နေတာဟာ ဘာမှအကျိုးမရှိပါဘူး။
ငါနင့်ကို ဒီလိုပြောခဲ့သားပဲ
ဒီကစကားက အရမ်းကလေးဆန်သလို မရင့်ကျက်သလိုလည်းဖြစ်ပါတယ်။ သင့်ကိုသင်သာ သက်သာရာရစေပြီး တခြားသူကိုတော့ ထိခိုက်စေပါတယ်။
ဂရုမစိုက်ဘူူး
တစ်ယောက်ယောက်က သင့်ရဲ့ ထင်မြင်ယူဆချက်တွေမေးလာတာဟာ သင်ပြောတဲ့စကားကို ကြားချင်လို့ပါ။ အဲဒီအခါ ဖြစ်ချင်ရာဖြစ် ဂရုမစိုက်ဘူးဆိုတဲ့စကားကို မပြောသင့်ပါဘူး။
တော်ပါပြီ အရှုံးပေးလိုက်ပြီ
တစ်ခုခု စိတ်ညစ်စရာကြုံတိုင်း တော်ပါပြီ ငါတော့မလုပ်နိုင်ပါဘူး။ အရှုံးပေးလိုက်ပြီဆိုတဲ့စကားထက် ငါလုပ်နိုင်တယ်ဆိုတဲ့ စကားကို ပြောင်းသုံးပါ။
