သင့်ရဲ့ခန္ဓာကိုယ်ကို သေးသွယ်စေဖို့အတွက် ယောဂလေ့ကျင့်ခန်း ၅ မျိုးကို မျှဝေပေးသွားမှာဖြစ်ပါတယ်။ ဝမ်းဗိုက်ကိုချပ်စေမှာဖြစ်ပြီးတော့ မနက်ခင်းမှာလုပ်ပေးတာဟာ ပိုကောင်းပါတယ်။
ပုံစံ ၁
ကိုယ်အလေးချိန်လျှော့ချချင်သူတွေအတွက် ထိရောက်တဲ့ ပုံစံဖြစ်ပါတယ်။ အရိုးတွေကိုသန်မာစေပြီး ကြွက်သားကိုသန်မာစေပါတယ်။
ခြေထောက်ကိုနှစ်ဖက်ကို ခွဲလိုက်ပြီး လက်ကိုခေါင်းပေါ်မြောက်လိုက်ပါ။ လက်နှစ်ဖက်ကို စုလိုက်ပါ။ အရှေ့တိုးထားတဲ့ ဒူးကိုကွေးပြီး ၉၀ ဒီဂရီကွေးထားပါ။ ဝမ်းဗိုက်က ကြွက်သားကို အာရုံစုထားပြီး မျက်လုံးကိုမှိတ်လိုက်ပါ။ ၁ မိနစ်လောက်လုပ်ပေးထားရမှာပါ။ ခြေထောက်နှစ်ဖက်လုံးကိုပြောင်းလုပ်ပါ။ ၃ ကြိမ် ၄ ကြိမ်လုပ်ပေးပါ။
ပုံစံ ၂
ဝမ်းဗိုက်ကအဆီတွေကို လျှော့ချပြီး ပေါင်ကအဆီတွေကိုလည်း ကျစေမယ့်နည်းပါ။ ဝမ်းဗိုက်က ကြွက်သားတွေကို သန်မာစေပြီး အာရုံစူးစိုက်မှုနဲ့ သက်လုံကောင်းစေမှာဖြစ်ပါတယ်။
ခြေထောက်ကို တစ်ဖက်နဲ့တစ်ဖက် ဝေးဝေးကားထားပါ။ ပြီးရင် ညာဖက်ခြေဖဝါးကို ညာဖက်လှည့်လိုက်ပြီး ဒူးကိုကွေးလိုက်ပါ။ ပြီးရင် လက်နှစ်ဖက်ကို တစ်တန်းတည်းဆန့်ပြီး ညာဖက်တည့်တည့်ကို ၅ မိနစ်ကြည့်ပါ။ ကိုယ်ကိုမတ်မတ်ထားပါ။ တစ်ဖက်ကို ၁၀ကြိမ်ကနေ ၁၅ ကြိမ်ထိလုပ်ပေးပါ။
ပုံစံ ၃
လှေပုံစံမျိုးလုပ်ပေးရမှာပါ။ ဝမ်းဗိုက်ကကြွက်သားတွေကို သန်မာစေပြီး ခြေထောက်နှစ်ဖက်လုံးက အဆီတွေကိုလည်း လျှော့ချပေးမှာပါ။ ဖျာပေါ်မှာ ထိုင်လျက်အနေအထားနဲ့ နေထောက်နှစ်ဖက်ကိုဆန့်ထားပါ။ ဒူးကို တည့်တည့်ဆန့်ပြီးအပေါ်မြောက်လိုက်ပါ။ ၄၅ ဒီဂရီကနေ ၅၀ ဒီဂရီထိမြင့်ထားရမှာပါ။
ခြေချောင်းတွေကို ကော့ထားပါ။ ခန္တာကိုယ်က V ပုံစံမျိုးဖြစ်သွားမှာဖြစ်ပါတယ်။ ကိုယ်နေနိုင်သလောက် ဒီပုံစံအတိုင်းနေပါ။
ပုံစံ ၄
ရိုးရှင်းတဲ့ ရောဂလေ့ကျင့်ခန်းတစ်မျိုးပါ။ ဝမ်းဗိုက်ကအဆီတွေကို လျှော့ချပေးနိုင်မှာဖြစ်ပြီး ကိုယ်အလေးချိန်ကိုလည်း လျှော့ကျစေမှာပါ။ ကိုယ်ကို မှောက်လျက်လှဲနေပါ။ ပြီးရင် လက်နှစ်ဖက်ကို တဒေါင်ဆစ်ကနေထောက်ပြီး အတုံးတစ်ခုပေါ်တင်ထားပါ။ ဒူးကိုကွေးပြီး ခန္တာကိုယ်အပေါ်ပိုင်းကို တည့်တည့်ထားပါ။ ခြေထောက်နှစ်ဖက်ကို ဘေးကားပြီး ချပေးထားပါ။ ဒီပုံအတိုင်း ၁၀ မိနစ်လောက်နေပါ။
ပုံစံ ၅
ခန္တာကိုယ်ကို မှောက်လျက်လှဲနေပါ။ ဒူးကွေးပြီး လက်နှစ်ဖက်ကို နောက်ပြန်ထုတ်ကာ ဒူးနှစ်ဖက်ကို ကိုင်ထားပေးပါ။ ဒီပုံအတိုင်း စက္ကန့် ၂၀ လောက်နေပေးရမှာဖြစ်ပါတယ်။ အသက်ကိုခပ်ပြင်းပြင်းရှုပေးပါ။ ပြီးရင် အသက်ရှုထုတ်ပြီး နဂိုမှောက်လျက်အနေအထားအတိုင်းပြန်နေပါ။
