သဘာဝနည်းလမ်းအတိုင်း ဝမ်းဗိုက်ကအဆီတွေကိုဖယ်ရှားပေးနိုင်မယ့် နည်းလမ်းကို ဂျပန်ရုပ်ရှင်မင်းသား Miki Ryosuke က ဖော်ပြပေးခဲ့တာပါ။ သူဟာ ခါးနာလို့ ဒီလေ့ကျင့်ခန်းကိုစလုပ်ရင်းနဲ့ သူ့ဗိုက်ကအဆီတွေ ၄ လက်မကျော်လောက် ကျသွားတယ်လို့ဆိုပါတယ်။
ဒီနေ့မှာတော့ သူမျှဝေပေးခဲ့တဲ့ လေ့ကျင့်ခန်းကို Mercelle Pick ကပြန်လည်ရှင်းပြထားတဲ့ ဗီဒီယိုဖိုင်လေးနဲ့ မျှဝေပေးသွားမှာဖြစ်ပါတယ်။ ဒီအသက်ရှုလေ့ကျင့်ခန်းက ခန္ဓာကိုယ်အတွက် လိုအပ်တဲ့ အောက်ဆီဂျင်တွေကို ထုတ်ပေးပြီး အဲဒီအောက်ဆီဂျင်တွေက အာဟာရဓါတ်တွေကို စုပ်ယူပေးလို့ ခန္ဓာကိုယ်အတွင်းက အဆိပ်အတောက်တွေကိုဖယ်ရှားပေးနိုင်တယ်လို့ဆိုပါတယ်။ ဒါ့ကြောင့် ကိုယ်အလေးချိန်လျှော့ချဖို့ အကူအညီဖြစ်စေပါတယ်။
ဘယ်လိုလုပ်မလဲ
ခြေထောက်တစ်ဖက်ကို အရှေ့ထုတ်ပြီး တစ်ဖက်ကိုအနောက်နည်းနည်းဆုတ်ကာ မတ်တပ်ရပ်ပေးပါ။ ကိုယ်အလေးချိန်တွေအားလုံးကို အနောက်ဖက်က ခြေထောက်ကိုပဲ အားစိုက်ထားပါ။ (ကိုယ်ကို နည်းနည်းနောက်ဆုတ်ပြီး အနောက်ခြေထောက်ပေါ်ပဲ ဖိထားပါ။)
ပြီးရင် လက်ကို အပေါ်မြောက်ပြီး အသက်ကို ၃ စက္ကန့်လောက်ရှုကာ လက်ကို ပြန်ချပြီး ၇ စက္ကန့်လောက် ပြန်ထုတ်ပေးပါ။ ခန္ဓာကိုယ်က ကြွက်သားတွေအားလုံးကို ထိန်းချုပ်ထားပါ။
တစ်နေ့ကို ၂ မိနစ်ကနေ ၁၀ မိနစ်ထိလုပ်ပေးပါ။ ခန္ဓာကိုယ်အတွင်း အောက်ဆီဂျင်ပိုဝင်ရောက်စေမှာဖြစ်ပြီး အဆီတွေကို လောင်ကျွမ်းစေမှာပါ။ ကြွက်သားတွေကို သန်မာစေပြီး ဇီဝဖြစ်စဉ်ကို မြင့်တင်ပေးပါတယ်။
