ကန့်သတ်ဧရိယာတစ်ဝိုက်က အမွှေးအမျှင်တွေ ပုံမှန်ရှင်းလင်းပေးခြင်းရဲ့ ကောင်းကျိုးများ

အများစုဟာ ဦးခေါင်းထက်က ဆံပင်နဲ့ ပတ်သတ်ပြီး အလေးအနက်ထား ဂရုတစိုက်ရှိကြပေမယ့် ကန့်သတ်ဧရိယာတစ်ဝိုက်က အမွှေးအမျှင်တွေကိုတော့ လျစ်လျူရှုထားမိတတ်ပါတယ်။

တကယ်တော့ တစ်ကိုယ်ရည်သန့်ရှင်းမှုအတွက် အရေးကြီးတဲ့ အင်္ဂါတဝိုက်က အမွှေးအမျှင်တွေကိုလည်း ပုံမှန်ရှင်းလင်း သန့်ရှင်းပေးဖို့ လိုပါတယ်။

အမွှေးအမျှင်တွေ ပုံမှန်ရှင်းလင်းပေးခြင်းဖြင့် ဘယ်လိုကောင်းကျိုးတွေရနိုင်မလဲဆိုတာ လေ့လာကြည့်ရအောင်ပါ။

Source: Healthshots

အင်္ဂါတဝိုက်ဟာ ချွေးဂလင်းတွေ အများဆုံးရှိရာနေရာဖြစ်ပြီး အတွင်းခံဘောင်းဘီဝတ်ဆင်ထားခြင်းရဲ့အပူရှိန်ကြောင့် ချွေးများ ပိုမိုထွက်စေပါတယ်။

ဒါကြောင့်လည်း ဘက်တီးရီးယားပိုးမွှားများ စွဲကပ်လို့ အကောင်းဆုံး နေရာတစ်ခုဖြစ်နေတာပါ။

အင်္ဂါတဝိုက်က အမွှေးအမျှင်တွေကို ပုံမှန်ရှင်းလင်းဖယ်ရှားပေးမယ်ဆိုရင်တော့ ပိုးမွှားစွဲကပ်နိုင်ခြေနည်းပြီး အနံ့သက်ဆိုးထွက်ခြင်းကိုလည်း လျော့ကျစေကာ ပိုမိုသန့်ရှင်းစေမှာဖြစ်ပါတယ်။

Source: Times of India

အမွှေးအမျှင်များ ဖယ်ရှားရှင်းလင်းလိုက်တဲ့အခါ ဘက်တီးရီးယားပိုးမွှားများ ကပ်တွယ်ကူးစက်နိုင်ခြေနည်းသွားပြီး ပိုမိုသန့်ရှင်း ကျန်းမာစေမှာ ဖြစ်ပါတယ်။

ဒါတင်မကသေးပါဘူး အမွှေးအမျှင်တွေဖယ်ရှားလိုက်တဲ့အခါ အရေပြားပေါ်က မလိုလားအပ်တဲ့ အဖုအပိန့်နဲ့ အကြိတ်များရှိနေလားဆိုတာကိုလည်း စစ်ဆေးနိုင်မှာဖြစ်ပါတယ်။