အစားအသောက်ရွေးချယ်မှု မှန်ကန်ခြင်းသည် သင့်ရဲ့အစာချေစနစ်ကို ကောင်းမွန်စေပြီး အဆီပိုများကို လောင်ကျွမ်းစေတဲ့အပြင် ရောင်ရမ်းမှုကိုလည်း လျော့ချပေးနိုင်ပါတယ်။
မိမိစားသုံးသည့် အစားအစာသည် ကျန်းမာရေးနဲ့လည်း ညီညွှတ်ရမှာဖြစ်သလို ကယ်လိုရီများ လောင်ကျွမ်းဖို့ကိုလည်း ကူညီပေးရမှာဖြစ်ပါတယ်။
ဒါဆိုရင် ဘယ်လိုအစားအစာက အရသာလည်းရှိ ကျန်းမာရေးနဲ့လည်း ညီညွှတ်ပြီး ကယ်လိုရီများကို လောင်ကျွမ်းစေနိုင်သလဲ။
Smoothies ဖျော်ရည်များက ကူညီပေးနိုင်ပါတယ်။
ဘယ်ရီသီး Smoothies
ဒီဖျော်ရည်ဖျော်ဖို့အတွက် လိုအပ်မယ့် ပါဝင်ပစ္စည်းများကတော့ နွားနို့ ပန်းကန်လုံးတစ်ဝက်စာ၊ ဒိန်ချဉ်အနည်းငယ်၊ ပျားရည် လက်ဖက်ရည်ဇွန်း ၁ ဇွန်း၊ ဘယ်ရီသီးများ၊ သကြားမုန်လာ အနည်းငယ်နှင့် ရေခဲတုံး ၅ တုံးခန့် လိုအပ်ပါလိမ့်မယ်။
ပါဝင်ပစ္စည်းများကို သစ်သီးဖျော်စက်ထဲထည့်ပြီး သမအောင် ဖျော်ပေးလိုက်ပါတယ်။ ဒါဆိုရင် အရသာလည်းရှိ ဝိတ်လည်းကျစေမယ့် ဖျော်ရည်တစ်ခွက်ရရှိသွားပါပြီ။
စတော်ဘယ်ရီ Smoothie
ပါဝင်ပစ္စည်းများကတော့ လိမ္မော်ရည် ဖန်ခွက် ၁ ခွက်ခွဲခန့်၊ ငှက်ပျောသီး ၁ လုံး၊ အခွံခွာထားပြီးသား ချင်း (ဂျင်း) တစ်လက်ပတ်ပတ်လည်၊ စတော်ဘယ်ရီသီး ပန်းကန်လုံး ၂ လုံးစာတို့ပဲဖြစ်ပါတယ်။
ပါဝင်ပစ္စည်းများကို သစ်သီးဖျော်စက်ထဲထည့်ပြီး သမအောင် ဖျော်ပေးလိုက်ပါတယ်။ ဒါဆိုရင် အရသာလည်းရှိ ဝိတ်လည်းကျစေမယ့် ဖျော်ရည်တစ်မျိုးရရှိသွားပါပြီ။
နာနတ်သီး ဖျော်ရည်
ရေ ဖန်ခွက် ၂ ခွက်စာ၊ နာနတ်သီး ပန်းကန်လုံး ၂ လုံးစာ၊ ထောပတ်သီးမှ့် တစ်ခြမ်း၊ ဟင်းနုနွယ် ပန်းကန်လုံး ၂ လုံးစာ၊ ရေခဲတုံးအနည်းငယ်တို့ လိုအပ်ပါလိမ့်မယ်။
ပါဝင်ပစ္စည်းများကို သစ်သီးဖျော်စက်ထဲထည့်ပြီး သမအောင် ဖျော်ပေးလိုက်ပါတယ်။ ဒါဆိုရင် အရသာလည်းရှိ ဝိတ်လည်းကျစေမယ့် ဖျော်ရည်တစ်မျိုးရရှိသွားပါပြီ။
အခုဖော်ပြသွားတဲ့ ဖျော်ရည် (၃) မျိုးထဲကမှ မိမိကြိုက်နှစ်သက်ရာတစ်မျိုးကို ပုံမှန်သောက်သုံးပေးနိုင်ပါတယ်။ သင့်အသားအရေလည်း လှပလာမှာဖြစ်သလို ဝိတ်လည်း မြန်မြန်ဆန်ဆန်ကျစေပါလိမ့်မယ်။
