ခေါင်းလျှော်ပြီဆိုရင် တော်တော်များများလည်း Conditioner ကိုသုံးကြမှာပါ။ Chemical လုံးဝမပါတဲ့ Conditioner ကောင်းကောင်းသုံးချင်တယ်ဆိုရင်တော့ သဘာဝနည်းလမ်းတွေသုံးပြီး ကိုယ်တိုင်လုပ်မှပဲရမှာပါ။
ဒါကြောင့် ထောပတ်သီးကိုသုံးပြီး Chemical လုံးဝမပါတဲ့ Hair Conditioner ပြုလုပ်နည်းကို မျှဝေပေးလိုက်ပါတယ်။ ဒီနည်းလမ်းလေးက ဆံသားကိုပျော့ပျောင်းပြီး ဆံသားတောက်ပစေပါတယ်။
ဒီ Hair Conditioner ပြုလုပ်ဖို့ လိုအပ်တဲ့ပါဝင်ပစ္စည်းကတော့ ထောပတ်သီး – ၁ ခြမ်း၊ အုန်းဆီ – စားပွဲတင်ဇွန်း ၂ ဇွန်းနဲ့ ပျားရည် – စားပွဲတင်ဇွန်း ၁ ဇွန်း လိုပါတယ်။
လုပ်ရမယ့်ပုံစံကတော့ ထောပတ်သီး တစ်ခြမ်းကို အခွံခွာပြီး Blender ထဲထည့်မွှေပါ။ ထောပတ်သီးကျေညက်သွားတာနဲ့ အုန်းဆီ – စားပွဲတင်ဇွန်း ၂ ဇွန်းနဲ့ ပျားရည် – စားပွဲတင်ဇွန်း ၁ ဇွန်း ထည့်ပါ။ ပြီးရင်တော့ ဇွန်းနဲ့ သေချာသမအောင်မွှေပါ။
Source: dgtcom.com.br
သေချာသမအောင်မွှေပြီးတာနဲ့ Hair Conditioner ရပါပြီ။ ဆံသားတွေကို ရေနည်းနည်းဖြန်းပြီး ဆံသားတွေမှာ နှံ့အောင်သုတ်လိမ်းပါ။ ပြီးရင်တော့ ခေါင်းပေါင်းတဲ့ ပလတ်စတစ်နဲ့ပေါင်းပြီး မိနစ် ၃၀ ထားပါ။ အချိန်ပြည့်ရင်တော့ ရေဆေးချပြီး Shampoo နဲ့ ခေါင်းလျှော်လိုက်ရုံပါပဲနော်။
Source: John Frieda Hair Care and Products
ပုံမှန်ခေါင်းလျှော်ရည်နဲ့လျှော်နေကျအတိုင်း ခေါင်းအရင်လျှော်ပြီးမှသုံးမယ်ဆိုရင်တော့ ထောပတ်သီးတွေ ဆံပင်မှာကပ်နေမှာမို့ ရေနဲ့ပဲဆေးချလို့ မပြောင်ပါဘူး။ Shampoo သုံးပြီး ပြန်လျှော်ရမှာပါပဲ။ ဒါကြောင့် ရေပဲအရင်ဖြန်းခိုင်းတာပါ။
