မင်္ဂလာပါနော်။ ဆံပင်ကို ပုံအမျိုးမျိုးဆန်းပြီး ပြုလုပ်ကြတဲ့အထဲကမှ ဒီတခါတော့ ဖဲပြားပုံလေးပြုလုပ်နည်းကို မျှဝေပေးချင်ပါတယ်။ ဆံပင်အားလုံးကို လုပ်လို့ရသလို ဆံပင်ကို တဝက်ပဲစည်းပြီးလုပ်လည်းရပါတယ်။ ကိုယ်ကြိုက်နှစ်သက်သလိုလုပ်နိုင်ပါတယ်။
ဆံပင်အားလုံးသိမ်းမယ်။
ဆံပင်ကို အားလုံးစုစည်းပြီးလုပ်မယ်ဆိုရင်တော့ ဆံပင်ကို အားလုံးစုပြီး စည်းလိုက်ပါ။ အရှေ့ဖက်ကို ဆံပင်အမြီးထားပြီး စည်းရမှာဖြစ်ပါတယ်။
ပြီးရင်တော့ စည်းထားတဲ့ဆံပင်ကို အလည်ကနေ ခွဲလိုက်ပါ။ ပြီးရင် ရှေ့က ဆံပင်ကို ယူပြီး အဲဒီအခွဲနားတာနေ အနောက်ဖက်ထိယူသွားပြီး ကလစ်ညှပ်လိုက်ပါ။
ဆံပင်တစ်ဝက်တည်းကိုပဲ စည်းမယ်။
ဆံပင်တစ်ဝက်ကိုစည်းချင်တယ်ဆိုရင်တော့။ ဆံပင်တစ်ဝက်ကိုအခုပုံမှာပြထားတဲ့အတိုင်း စည်းလိုက်ပါ။ ပြီးရင် အလည်ကနေခဲလိုက်ပါ။
ခွဲပြီးရင် တစ်ဖက်ဆီကို ကလစ်အမည်းလေး ညှပ်ပေးပါ။
ပြီးရင်တော့ ကျန်တဲ့အောက်က ဆံပင်ကို အပေါ်ပင့်ယူပြီး ကလစ်ညှပ်လိုက်ပါ။
ဒါဆိုရင်ရပါပြီ။ ပွဲသွားတာပဲဖြစ်ဖြစ် ထသွားထလာပဲဖြစ်ဖြစ် အဆင်ပြေတဲ့ ပုံလေးမို့ စာဖတ်သူတို့ အကြိုက်တွေ့မယ်မျှော်လင့်ပါတယ်။
