Curd Hair Mask ဆိုတာက ဒိန်ချဉ်နဲ့လုပ်ထားတဲ့ Hair Mask တစ်မျိုးပါ။ ဒိန်ချဉ်မှာ အက်စစ်ဓာတ်ပါတဲ့ ပရိုတင်းဓာတ်၊ ပိုတက်စီယမ်၊ ကယ်လ်စီယမ်၊ မဂ္ဂနီဆီယမ်နဲ့ ဗီတာမင် A တို့လို အာဟာရဓာတ်တွေ အများကြီးပါတာကြောင့် ဆံပင်ကျန်းမာရေးအတွက် အများကြီးအထောက်အကူဖြစ်စေပါတယ် ။
ဒါကြောင့် Curd Hair Mask ကို သုံးပေးရင် ဆံပင်အတွက် ရလာမယ့်အကျိုးကျေးဇူးတစ်ချို့ကို ဝေမျှပေးချင်ပါတယ်။
၁. ဒိန်ချဉ်က သဘာဝ Conditioner ဖြစ်တာမလို့ ဆံပင်ကို အရင်ကထက် ပိုပြီး တောက်ပြောင်စေပါတယ်။
၂. ဦးရေပြားရဲ့ဆီကြည်ဂလင်းတွေကို ထိန်းညှိပေးတာကြောင့် အဆီပြန်ခြင်းကို သက်သာစေပါတယ်။
၃. ဦးရေပြားကို အေးစေပြီး ဗောက်ထခြင်းကို သက်သာစေပါတယ်။
၄. ဆံပင်ကျွတ်တာကို သက်သာစေပြီး ဆံသားကို ပိုပြီးကျန်းမာစေပါတယ်။
၅. ဒိန်ချဉ်ကို ကြက်ဥ ၊ နွားနို့တို့နဲ့ အချိုးညီညီရောထားတာကို ဆံပင်ပေါ် လိမ်းပြီး မိနစ် 30-40 လောက်ထားပြီးမှ ခေါင်းလျှော်ရည်နဲ့လျှော်ရင်လည်း ဆံပင်ကို Spa Treatment လုပ်ထားသလိုမျိုး ဖြစ်စေပါတယ်။
