Relationship တစ်ခုမှာ ခဏခဏရန်ဖြစ်စေတဲ့ ပြဿနာတွေ ရှိပါတယ်။ ဒီပြဿနာတွေကိုသာ ဆင်ခြင်နိုင်မယ်ဆိုရင် ခဏခဏရန်ဖြစ်ရတာမျိုးတွေလည်း လျော့နည်းသွားမှာပါ။ ဒီတော့ သင့် Relationship ကကော ဒီပြဿနာတွေကြောင့်ပဲ ခဏခဏ ရန်ဖြစ်စကားများနေရလားဆိုတာကို ကြည့်လိုက်ရအောင်။
နားလည်မှုမရှိခြင်း
နားလည်မှုမရှိတဲ့ Relationship ကတော့ တစ်ယောက်နဲ့တစ်ယောက် ဘယ်လောက်ပဲချစ်နေပါစေ ခဏခဏပြဿနာတက်ပြီး ရန်ဖြစ်စကားများနေရမှာပါပဲ။ ဒါကြောင့် တစ်ယောက်နဲ့တစ်ယောက် နားလည်မှုရှိဖို့က အရမ်းကိုအရေးကြီးပါတယ်။ နားလည်မှုမရှိရင် မလိုလားအပ်တဲ့ ပြဿနာ အသေးအမွှားလေးတွေကအစ အကြီးအကျယ်တွေဖြစ်ပြီး ပြဿနာတက်ရပါတယ်။
ချုပ်ချယ်လွန်းခြင်း
ချုပ်ချယ်တယ်ဆိုတာလည်း အစပိုင်းမှာပဲ တစ်ဖက်လူက လိုက်နာမှာပါ။ ကြာလာရင်တော့ မွန်းကြပ်ပြီး စိတ်ပျက်လာမှာပါပဲ။ ချုပ်ချယ်မှုကြောင့် တစ်ဖက်လူကလည်း စိတ်ညစ်ရသလို ကိုယ်တိုင်လည်း ပူလောင်ရပါတယ်။ ဒါကြောင့် ချုပ်ချယ်လွန်းရင်တော့ ဒီ Relationship က ခဏခဏကို ရန်ဖြစ်နေရမှာပါပဲ။
Single Life အတိုင်းပဲနေချင်ခြင်း
တချို့ကျတော့ Relationship တစ်ခုရနေပြီတောင်မှ အနေအထိုင် အပြောအဆိုတွေ၊ အပြုအမူတွေကို မဆင်ခြင်ပဲ Single တစ်ယောက်လိုပဲ နေချင်နေကြတာမျိုးလည်း ရှိပါတယ်။ ဒီလိုလူမျိုးကတော့ အဆိုးဆုံးပါပဲ။ Single အတိုင်းဆက်နေချင်ရင် Single ပဲလုပ်သင့်ပါတယ်။ ဒီလို Single Life အတိုင်းပဲ နေချင်တဲ့သူကြောင့်လည်း ခဏခဏရန်ဖြစ်စကားများရစေပါတယ်။
ယုံကြည်မှုမရှိခြင်း
တစ်ယောက်နဲ့တစ်ယောက် ယုံကြည်မှုမရှိရင် ဘာမဟုတ်တာလေးတွေကအစ စွပ်စွဲတာ၊ အပြစ်တင်တာ၊ ပြဿနာရှာတာတွေဖြစ်ပြီး ခဏခဏကို ရန်ဖြစ်စကားများနေရမှာပါ။ ဒါကြောင့် Relationship တစ်ခုမှာ တစ်ယောက်နဲ့တစ်ယောက် ယုံကြည်မှုရှိဖို့က အရမ်းကိုအရေးကြီးပါတယ်။
Emotion များလွန်းခြင်း
Emotion များတဲ့သူက သူများထက်ပိုပြီးတော့ကို စိတ်ညစ်ရတယ်၊ ပူလောင်ရပါတယ်။ ကိုယ့်စိတ်ကို မထိန်းချုပ်နိုင်ပဲ Emotion များနေခြင်းကြောင့် တစ်ဖက်လူကိုပါ ကိုယ့်စိတ်အတိုင်း ပြဿနာရှာနေမိပြီး ဘယ်သူနဲ့မှ အဆင်မပြေတာမျိုးတွေ ဖြစ်တတ်ပါတယ်။ Relationship မှာလည်း ဒီလိုပါပဲ။ ခဏခဏပြဿနာရှာနေတဲ့သူက ကိုယ်ပဲဖြစ်နေပြီး အဆင်မပြေဖြစ်ရတတ်ပါတယ်။
