Makeup ပြင်ဆင်လေ့ရှိတဲ့ မိန်းကလေးတွေအတွက် ဒီတစ်ခါမှာတော့ နေ့တိုင်းပြင်ဆင်ဖို့အဆင်ပြေပြီး လှလည်းလှတဲ့ Dreamy Matte Makeup Look ပြင်နည်းကို မျှဝေပေးလိုက်ပါတယ်။ Makeup တွေ အများကြီးပြင်ဆင်ထားသလို ဖြစ်နေတာမျိုး မကြိုက်တဲ့သူတွေအတွက်လည်း အဆင်ပြေပါတယ်။
အရင်ဆုံး အညိုရောင် Gel Eyeliner နဲ့ Eyeliner Wings ပုံစံလေး အရင်ဆွဲပါမယ်။ မျက်လုံးထိပ်ကနေ စဆွဲစရာ မလိုပါဘူး။
ပြီးရင်တော့ Mascara နဲ့ မျက်တောင်ကော့မှာပဲ ဖြစ်ပါတယ်။
နောက်တစ်ဆင့်မှာ မျက်ခုံးမွှေးဆွဲမှာပါ။ မျက်ခုံးမွှေးရှိပြီးသားသူဆိုရင် Eyebrow Gel နဲ့ ဖြီးလိုက်ရုံပါပဲ။
Concealer နဲ့ ဝက်ခြံ၊ အမဲစက်၊ အသားအရောင် မညီတဲ့နေရာတွေကို ဖုံးပါမယ်။
ဒီအဆင့်မှာတော့ Foundation or Cushion လိမ်းပါမယ်။
Powder နည်းနည်းပုတ်လိမ်းပါမယ်။ အများကြီးမလိမ်းမိပါစေနဲ့။
ပါးနီကို အရောင်ဖျော့ဖျော့လေးပဲ သုံးပါမယ်။ မျက်လုံးအောက်နားတည့်တည့်က ပါးမို့နေရာလေးကို ပါးနီခြယ်မှာပါ။
အညိုရောင်အဖျော့ Eyeshadow ကို မျက်ခွံမှာ ခြယ်ပါမယ်။
မျက်လုံးအောက်နားကိုတော့ အသားရောင် Glitter Eyeshadow ခြယ်ပါမယ်။
နှာတံဖော်ပြီး နှာတံပေါ်ကို Highlighter နည်းနည်းလိမ်းပေးပါ။
နှုတ်ခမ်းနီကို Nude Color လိုမျိုးလေးပဲ ဆိုးပါမယ်။
ဒါဆိုရင်တော့ နေ့တိုင်းပြင်ဆင်ဖို့အဆင်ပြေပြီး လှလည်းလှတဲ့ Dreamy Matte Makeup Look လေးကို ရရှိသွားပါပြီ။ ပြင်ဆင်ရတာလည်း အရမ်းလွယ်ကူပြီး ရိုးရှင်းတာကြောင့် အချိန်အများကြီးပေးပြီး ပြင်ဆင်နေစရာမလိုပဲ အချိန်ကုန်သက်သာစေပါတယ်။
