ညဘက်အပြင်ထွက်ဖို့ ဒါမှမဟုတ် မျက်နှာပြင်ဆင်ဖို့ အချိန်မရှိတဲ့အခါမျိုးမှာ မျက်နှာကို အချိန် ၁၅ မိနစ်လောက်ပေးရုံနဲ့ အသားအရေက သိသိသာကောင်းလာတဲ့ရလဒ်ကို ချက်ချင်းရချင်ရင် မျက်နှာကို Sheet Mask ကပ်တာက အမြန်ဆုံးပါ။

ဒါကြောင့် Sheet Mask သုံးရတာကြိုက်တဲ့သူတွေအတွက် ရွေးသင့်တဲ့ Sheet Mask တချို့ကို ဝေမျှပေးချင်ပါတယ်။

1. Sulwhasoo First Care Activating Mask

ဒီ Sheet Mask ရဲ့အဓိကပါဝင်ပစ္စည်း ဂျင်ဆင်းကြောင့် သုံးပြီးတာနဲ့ အသားအရေကို ချက်ချင်း ရေဓာတ်ပြည့်စေပြီး တောက်ပစေပါတယ်။

2. SK-II Facial Treatment Mask

အဓိကပါဝင်ပစ္စည်းဖြစ်တဲ့ Pitera ၊ Vitamins ၊ Amino Acids နဲ့ Organic Acids တို့ကြောင့် အိုမင်းရင့်ရော်မှုကို နှေးစေပြီး အသားအရေကိုနုပျိုစေပါတယ်။

3. Tonymoly I’m Real Sheet Mask

ရေဓာတ်ထိန်းပေးတဲ့ Glycerin နဲ့ Allantoin တို့ပါတဲ့ ဒီ Sheet Mask က အသားအရေကို ချောမွေ့စေပြီး အစိုဓာတ်ဖြည့်ပေးပါတယ်။

4. Molvany Hypoallergenic Artichoke Balancing Care Mask Pack

Artichoke က အသားအရေအတွက် အရမ်းကောင်းတာမလို့ ချွေးပေါက်တွေကို သန့်စင်ပေးတဲ့အပြင် အရေးအကြောင်းတွေကို လျှော့ချပေးပါတယ်။ ဒါ့အပြင် ဒီ Serum က Hypoallergenic အဖြစ် ထုတ်ထားတာမလို့ Sensitive အသားအရေပိုင်ရှင်တွေပါ သုံးလို့ရပါတယ်။

5. Laneige Hypoallergenic Cica Sleeping Mask

သင့်အသားအရေက နီတာ ယားတာဖြစ်လွယ်တဲ့အသားအရေမျိုးဆို ဒီ Sleeping Mask ကို သုံးကြည့်ပါ။ သူက စပျစ်နွယ်ပင်တွေကနေ အချဉ်ဖောက်ထားတာကို သုံးထားတာမလို့ ညတွင်းချင်း အသားအရေကို နုပျိုစေပါတယ်။

6. Dr. Jart+ Wrinkless Solution Gel Mask

အသားအရေ စိုပြေဖို့အတွက် ရေဓာတ်ထိန်းထားဖို့က အရေးကြီးတာမလို့ Botox နဲ့ Fillers တွေ မသုံးချင်ဘူးဆိုရင် ဒီ Sheet Mask ကို သုံးကြည့်ပါ။ အသားအရေကို ရေဓာတ်ပြည့်ဝစေပြီး နုပျိုမှုကို ခံစားရစေမှာ အသေချာပါ။

7. Peach & Lily Original Glow Sheet Mask

အဆီပြန်တဲ့အသားအရေပိုင်ရှင်တွေသုံးသင့်တဲ့ ဒီ Sheet Mask က Chemical Exfoliators နဲ့ Peptides တို့ပါတာမလို့ သုံးပြီးတာနဲ့ အသားအရေကို ကြည်လင်တောက်ပနေစေပါတယ်။

8. Hanyul Chestnut Shell Pore Clearing Clay Mask

မျက်နှာအရေပြားရဲ့ကျန်းမာရေးကို မထိခိုက်စေတဲ့ ဒီ Clay Mask က မျက်နှာကအဆီပိုတွေနဲ့ ဆဲလ်အသေတွေကို ဖယ်ရှားပေးပါတယ်။ ဒါ့အပြင် သုံးတဲ့အခါမှာလည်း Lightweight ဖြစ်ပြီး အများကြီးသုံးစရာလည်း မလိုပါဘူး။လိမ်းပြီး ၁၀ မိနစ်လောက်ထားပြီးမှ ရေဆေးချလိုက်ပါ။ တစ်နေ့တလုံး မျက်နှာလေးကို ကြည်လင်စေပါတယ်။