ခြေထောက်နာကျင် ကိုက်ခဲခြင်းဝေဒနာကို သွားလာလှုပ်ရှားမှုများတဲ့သူတွေ အချိန်ကြာကြာ မတ်တပ်ရပ်နေရတဲ့သူတွေ ခံစားရလေ့ရှိပါတယ်။
ဒီလေ့ကျင့်ခန်းတွေကို မိနစ်အနည်းငယ်လောက် အချိန်ပေးပြီး ပြုလုပ်ပေးမယ်ဆိုရင် ခြေထောက်ကိုက်ခဲတဲ့ရောဂါက ချက်ချင်းဆိုသလို ပျောက်ကင်းသွားမှာပဲဖြစ်ပါတယ်။
လေ့ကျင့်ခန်း (၁)
မတ်တပ်ရပ်ပြီး ခြေထောက်နှစ်ဖက်ကို စုထားလိုက်ပါ။ ခြေဖျားထောက်နိုင်သမျှ မြင့်မြင့်သာထောက်ပြီး ခြေဖျားထောက်လျက်သားနဲ့ စက္ကန့် ၃၀ ရပ်နေပါ။ ထို့နောက် ခြေထောက်ပြန်ချပါ။ ၅ ကြိမ်ကနေ ၁၀ ကြိမ် ပြုလုပ်ပေးလိုက်ပါ။
လေ့ကျင့်ခန်း (၂)
ညာခြေကို ရှေ့ထုတ်ပြီး ဘယ်ခြေကို အနောက်ပို့ကာ ခြေချောင်းလေးများကို ပုံပါအတိုင်း ခေါက်ထားလိုက်ပါ။ စက္ကန့် ၃၀ ခန့်ကြာရင် အခြားခြေထောက်တစ်ဖက် ပြောင်းလုပ်ပါ။ ဘယ်ညာကို တစ်ကြိမ်လို့ သတ်မှတ်ပြီး ၅ ကြိမ် ပြုလုပ်ပေးရပါမယ်။
လေ့ကျင့်ခန်း (၃)
ဒီလေ့ကျင့်ခန်း ပြုလုပ်ဖို့အတွက် တင်းနစ်ဘောလုံးတစ်လုံး လိုအပ်ပါမယ်။ ဘောလုံးကို ခြေဖဝါးအောက်မှာထားပြီး ခြေဖနောင့်ကနေ ခြေဖျားအထိ ဖြည်းဖြည်းချင်းလှိမ့်ပေးလိုက်ပါ။ ခြေဖနောင့်မှ ခြေဖျားအထိ တစ်ကြိမ်လို့ သတ်မှတ်ပြီး အကြိမ် ၅၀ ပြုလုပ်ပေးပါ။ ထိုင်လျက်သား လှိမ့်ပေးလို့လည်း ရသလို မတ်တပ်ရပ်ပြီး လှိမ့်လို့လည်း ရပါတယ်။
လေ့ကျင့်ခန်း (၄)
ဒီလေ့ကျင့်ခန်း ပြုလုပ်ဖို့အတွက် တင်းနစ်ဘောလုံးနဲ့ ယောဂဆော့တဲ့အခါ အသုံးပြုတဲ့အတုံး (သို့) ထိုအတုံးကဲ့သို့ ဆင်တူတဲ့အတုံးတို့ လိုအပ်ပါမယ်။ ပုံပါအတိုင်း ဘောလုံးကို ခြေကျင်းဝတ်အောက်မှာထားပြီး ၁၀ စက္ကန့်ခန့် အချိန်ယူကာ လေးဘက်လေးတန်လှမ့်ပေးလိုက်ပါ။ ခြေထောက်တစ်ဖက်ကို ၂ ကြိမ်စီပြုလုပ်ပေးပါ။
လေ့ကျင့်ခန်း (၅)
စောစောက ယောဂအတုံးကိုပဲ အသုံးပြုရပါမယ်။ ခြေချောင်းများကို အတုံးပေါ်တင်ထားပြီး ခြေဖနောင့်ကြွထားလိုက်ပါ။ သင့်ရဲ့ ကိုယ်အလေးချိန်အားလုံးကို ခြေချောင်းတွေဆီ ပို့ထားပြီး စက္ကန့် ၃၀ ရပ်နေပါ။ ခြေထောက်တစ်ဖက်စီကို ၅ ကြိမ် ပြုလုပ်ပေးရပါမယ်။
ဘတ်စ်ကားပေါ်မှာ ထိုင်ခုံနေရာမရလို့ ပင်ပန်းပြီး ခြေထောက်ကိုက်တဲ့အခါ၊ မိမိအလုပ်မှာ ဧည့်သည်တွေကို မတ်တပ်ရပ်ရင်း ဝန်ဆောင်မှုပေးရလို့ ခြေထောက် နာကျင်တဲ့အခါ အခုဖော်ပြပေးခဲ့တဲ့ လေ့ကျင့်ခန်းတွေကို ပြုလုပ်ပေးလိုက်ပါ။
Source: Brightside.me
