ရာသီဥတုအရမ်းပူတဲ့အချိန်မှာ မဖြစ်မနေသုံးပေးရမယ့် skincare တွေလည်း ရှိသလို မသုံးသင့်တာတွေလည်း ရှိပါတယ်။ Skincare ကလည်း ရာသီဥတုပေါ်မူတည်ပြီး လိုတိုးပိုလျှော့လေးလုပ်ပေးနေဖို့ လိုပါတယ်။ ရာသီဥတုအရမ်းပူတဲ့အချိန်မှာ မလိုအပ်တဲ့ skincare တွေသုံးမိရင် ဝက်ခြံ အဆီဖုတွေထွက်လာတာ၊ အဆီတွေပိုပြီးပြန်လာတာမျိုးတွေ ဖြစ်ပါလိမ့်မယ်။ ဒါကြောင့် ရာသီဥတုအရမ်းပူတဲ့အချိန်မှာ မသုံးသင့်တဲ့ skincare ပစ္စည်းတွေကို ပြောပြပေးလိုက်ပါတယ်။
Facial Oil, Serum
တခြားအချိန်တွေမှာ serum သုံးလို့အဆင်ပြေပေမယ့် နွေရာသီလို အရမ်းပူတဲ့အချိန်မှာတော့ အဆင်မပြေပါဘူး။ Facial oil ဆိုရင်လည်း အရမ်းအသားခြောက်တဲ့သူတွေတောင်မှ ဆောင်းတွင်းမှ လိမ်းကြတာပါ။ ဒါကြောင့် ဒီနှစ်မျိုးက ရာသီဥတုအရမ်းပူတဲ့အချိန်မှာ သုံးဖို့လုံးဝမလိုအပ်ပါဘူး။ အဆီဖုတွေ၊ ဝက်ခြံတွေထွက်တာ၊ အရမ်းအဆီပြန်လာတာမျိုးတွေ ဖြစ်လာပါလိမ့်မယ်။
Peeling
ရာသီဥတုပူပြီး နေပြင်းတဲ့အခါမှာ exfoliate လုပ်ချင်ရင်တောင် mild ဖြစ်တဲ့ scrub လောက်ပဲ သုံးသင့်ပါတယ်။ Peeling လုံးဝမလုပ်သင့်ပါဘူး။ အသားအရေထိခိုက်လွယ်ပြီး ပျက်စီးစေပါတယ်။ နေကလည်းပြင်းတဲ့အတွက် အသားအရေစပ်တာ၊ နီးမြန်းတာ၊ နေလောင်လွယ်တာတွေ ဖြစ်စေပါတယ်။
Hydration Sheet Mask
ဆောင်းရာသီလိုအချိန်အခါမျိုးမှာကပ်ဖို့၊ အသားအရမ်းခြောက်တဲ့သူတွေကပ်ဖို့ ထုတ်ထားတဲ့ hydraton sheet mask တွေကို ရာသီဥတုပူတဲ့အချိန်မှာ မသုံးတာကောင်းပါတယ်။ Thick ဖြစ်လို့ အခန့်မသင့်ရင် အဆီဖုဝက်ခြံတွေ ထွက်လာပါလိမ့်မယ်။
Thick Moisturizer
Moisturizer က ရာသီဥတုပေါ်မူတည်ပြီး ပြောင်းသုံးပေးသင့်ပါတယ်။ ဆောင်းရာသီလိုအချိန်မျိုးမှာဆိုရင် thick ဖြစ်တာမျိုး၊ hydration ကောင်းကောင်းပေးနိုင်တာမျိုး သုံးပေးရမှာ ဖြစ်ပေမယ့် နွေရာသီလို ရာသီဥတုပူတဲ့အချိန်မှာတော့ ဒီလို moisturizer ကို ရှောင်ရပါမယ်။ Gel moisturizer, lightweight ဖြစ်တဲ့ moisturizer မျိုးကိုပဲ သုံးပေးသင့်ပါတယ်။
Heavy Foundation
ရာသီဥတုပူတဲ့အချိန်မှာ foundation တွေက မသုံးတာတော့ ပိုကောင်းပါတယ်။ ဒါပေမယ့် မဖြစ်မနေ သုံးမယ်ဆိုရင်လည်း heavy ဖြစ်တဲ့ foundation ထူထူကြီးတွေကို မသုံးပါနဲ့။ ချွေးပေါက်ပိတ်တာ၊ ဝက်ခြံထွက်တာတွေ ဖြစ်စေပါတယ်။
