K-drama တွေကို အရူးအမူးကြိုက်ကြသလိုမျိုးပဲ ထိုင်းဇာတ်လမ်းတွဲတွေကိုလည်း မပြတ်တမ်း ကြည့်လေ့ရှိကြတဲ့ ပရိသတ်တွေအနေနဲ့ ထိုင်းမင်းသမီးချော Min ကို သေချာပေါက် သိကြမှာပါ။
သူမရဲ့ နာမည်အပြည့်အစုံက Pechaya Wattanamontree ဖြစ်ပြီးတော့ Min က နာမည်ပြောင်ပါ။ ၁၉၈၉ ခုနှစ် ဧပြီလ ၂၈ ရက်နေ့မှာ ထိုင်းနိုင်ငံမှာမွေးဖွားခဲ့တဲ့ ထိုင်းမော်ဒယ်လ်နဲ့ မင်းသမီးတစ်လက်ဖြစ်ပါတယ်။
Khon Kaen University ကနေ ကျောင်းပြီးထားတာဖြစ်ပြီးတော့ ဘတ်စကက်ဘော အားကစားကိုလည်း ကျွမ်းကျင်ပါတယ်။ Unity No. 29 Chamchuri Games မှာ ပါဝင်ယှဥ်ပြိုင်ခဲ့ပြီး ရွှေတံဆိပ်ဆုတောင် ရရှိခဲ့ပါတယ်။ Columbia Falls High School, Montana မှာလည်း exchange student အဖြစ် သွားရောက်ခဲ့ဖူးပြီး Faculty of Liberal Arts Arts Business English မေဂျာနဲ့ ဘွဲ့ရရှိထားပါတယ်။
ဖက်ရှင်လောကကိုတော့ ၂၀၀၆ ခုနှစ်မှာ “Miss Teen Thailand” ဆိုတဲ့ ပြိုင်ပွဲကနေတဆင့် ဝင်ရောက်ခဲ့တာဖြစ်ပြီး Channel 7 နဲ့ စာချုပ်ချုပ်ဆိုခဲ့ကာ Pla Boo Thong ဆိုတဲ့ ပထမဆုံးဇာတ်ကားကို ၂၀၀၉ ခုနှစ်မှာ ရိုက်ကူးထုတ်လွှင့်ခဲ့ပါတယ်။
အဲ့ကနေမှ သူမရဲ့ တခြားလူသိများသေးတဲ့ ဇာတ်ကားတွေကို ပြောရမယ်ဆိုရင်တော့ Devil Sister, Koo Za Rot Zab, Lah Rak Sood Kob Fah, Sapai Import, Song Naree စတာတွေပဲ ဖြစ်ပါတယ်။
သရုပ်ဆောင်မှုမှာလည်း ပြောင်မြောက်လှတဲ့ သူမဟာ ဝတ်စားဆင်ယင်မှုမှာလည်း ပရိသတ်တွေကြား တော်တော်လေး ရေပန်းစားပါတယ်။ ဘယ်အချိန်ကြည့်ကြည့် ဖက်ရှင်ကျနေတဲ့ သူမရဲ့ ဝတ်စားဆင်ယင်မှုတွေကို ဖက်ရှင်ချစ်ပျိုမေတို့အတွက် ဝေမျှပေးလိုက်ရပါတယ်။
Image Source: Pinterest
