ကလေးသရုပ်ဆောင်များအဖြစ်နဲ့ စတင်ခဲ့ကြတဲ့ တချို့သရုပ်ဆောင်တွေက ဆယ်စုနှစ်များစွာ K-Drama ပရိသတ်တွေနဲ့ ကျွမ်းဝင်ပြီး နှစ်သက်ခဲ့ကြတာပါ။ အဲ့ဒီကလေးသရုပ်ဆောင်တွေထဲက တချို့ကတော့ အနုပညာအလုပ်တွေ ဆက်မလုပ်တော့ပေမယ့် တချို့ကတော့ ထိပ်တန်းသရုပ်ဆောင်တွေ ဖြစ်နေကြပါတယ်။
အဲ့ထဲကမှ ကလေးသရုပ်ဆောင်ကနေ ထိပ်တန်းအမျိုးသမီး သရုပ်ဆောင်များဖြစ်ခဲ့ကြတဲ့ မင်းသမီး ၇ ယောက် ရှိပါတယ်။ ဒီမင်းသမီး ၇ ယောက်က ဘယ်သူတွေဖြစ်မလဲ ကိုယ်ချစ်တဲ့မင်းသမီးတွေ ဖြစ်နေမလားဆိုတာကို ကြည့်လိုက်ရအောင်။
1. Kim Yoo Jung
ပထမဆုံးတစ်ယောက်ကတော့ ကလေးသရုပ်ဆောင်ဘဝထဲက အားလုံးနဲ့ရင်းနှီးပြီးသားဖြစ်တဲ့ မင်းသမီး Kim Yoo Jung ပါ။ မင်းသမီးက အသက် 24 နှစ်ပဲရှိသေးပေမယ့် အနုပညာလောကထဲကို ဝင်တာ 21 နှစ်ရှိပါပြီ။
အသက် 4 နှစ်ပဲရှိသေးတဲ့အချိန် 2003 ခုနှစ်ထဲက ပွဲဦးထွက်ခဲ့ပြီး သူမရဲ့ ချစ်စရာကောင်းတဲ့ရုပ်ရည်နဲ့ မယုံနိုင်လောက်အောင်ကောင်းတဲ့ သရုပ်ဆောင်စွမ်းရည်တွေကြောင့် Kim Yoo Jung ဟာ တောင်ကိုရီးယားရဲ့ ထိပ်တန်း ကလေးသရုပ်ဆောင်တစ်ယောက် ဖြစ်လာဖို့ အချိန်သိပ်မကြာလိုက်ပါဘူး။
သူမရဲ့ အထင်ကြီးစရာကောင်းတဲ့ Top-class status ကြောင့် သူမကို “Nation’s Little Sister” လို့တောင် Nickname ပေးထားကြပါတယ်။
2. Lee Se Young
နောက်တစ်ယောက်ကတော့ မင်းသမီး Lee Se Young ပါ။ သူမက အသက် 5 နှစ်အရွယ်ပဲရှိသေးတဲ့ 1997 ခုနှစ်ထဲက ပထမဆုံးပွဲဦးထွက်ခဲ့ပြီး အနုပညာသက်တမ်း နှစ် 30 နီးပါးရှိနေပါပြီ။
3. Kim So Hyun
နံပါတ် 3 နေရာမှာ ရပ်တည်နေတာကတော့ နာမည်ကြီးမင်းသမီး Kim So Hyun ဖြစ်ပါတယ်။ သူမကတော့ အသက် 7 နှစ်အရွယ် 2006 ခုနှစ်မှာ ပွဲဦးထွက်ခဲ့ပါတယ်။
Moon Embracing the Sun ဆိုတဲ့ နာမည်ကြီးဇာတ်လမ်းမှာ ပါဝင်တုန်းကဆိုရင် သူမအသက် 13 နှစ်ပဲရှိပါသေးတယ်။ အခုဆိုရင်တော့ သူမအသက်က 24 နှစ်ရှိပြီဖြစ်ပြီး တော်တော်လေးနာမည်ကြီးတဲ့ ထိပ်တန်းမင်းသမီးတစ်ယောက်လည်း ဖြစ်နေပါပြီ။
4. Park Eun Bin
မင်းသမီး Park Eun Bin ကလည်း ကလေးသရုပ်ဆောင်အဖြစ်နဲ့ အသက် 6 နှစ်အရွယ်ထဲက ဇာတ်လမ်းတွဲများစွာမှာ ပါဝင်သရုပ်ဆောင်ခဲ့ပါတယ်။ သူမရဲ့ ပထမဆုံးသော ဇာတ်ဆောင်နေရာရဖို့အတွက် အချိန်အနည်းငယ်ကြာခဲ့ပေမယ့် သူမအသက် 20 အရွယ်ဖြစ်တဲ့ 2012 မှာတော့ Operation Proposal မှာ ဇာတ်ဆောင်အဖြစ်နဲ့ စတင်သရုပ်ဆောင်ခဲ့ပါတယ်။
2021 မှာတော့ The King’s Affection မှာ ဇာတ်ဆောင်အဖြစ်ပါဝင်ပြီး 2022 မှာတော့ Extraordinary Attorney Woo နဲ့ 2023 မှာတော့ Castaway Diva မှာ ဇာတ်ဆောင်မင်းသမီးအဖြစ် ပါဝင်ခဲ့ပြီး ထိပ်တန်းမင်းသမီးတစ်ယောက် ဖြစ်လာပါတယ်။ တော်တော်များများကတော့ သူမကို Extraordinary Attorney Woo နဲ့ စပြီးသတိထားမိခဲ့ကြပါတယ်။
5. Kim Hyun Soo
Kim Hyun Soo ကတော့ သူမအသက် 11 နှစ်အရွယ်မှာ Silenced ဇာတ်ကားမှာ ကလေးသရုပ်ဆောင်အဖြစ် စတင်သရုပ်ဆောင်ခဲ့ပြီး 49 ကြိမ်မြောက် Grand Bell Awards မှာ အကောင်းဆုံး ဇာတ်ပို့မင်းသမီးအဖြစ် ရွေးချယ်ခံခဲ့ရပါတယ်။
အဲ့အချိန်ကစပြီး သရုပ်ဆောင်စွမ်းရည်ကောင်းတဲ့ သူမက My Love from the Star အပါအဝင် Drama များစွာမှာ ပါဝင်ခဲ့ရပါတယ်။ သူမအသက် 20 အရွယ်မှာတော့ နာမည်ကြီး Penthouse ဇာတ်လမ်းတွဲမှာ Bae Rona အဖြစ်နဲ့ အဓိကဇာတ်ဆောင်နေရာမှာ ပါဝင်ခဲ့ပြီး လူသိပိုများလာခဲ့ပါတယ်။
6. Moon Geun Young
Moon Geun Young ကတော့ အသက် 12 နှစ်အရွယ်မှာ Burnt Rice Teacher and Seven Potatoes ဇာတ်လမ်းနဲ့ စတင်ပွဲဦးထွက်ခဲ့ပါတယ်။
အဲ့နောက်မှာ နာမည်ကြီးဇာတ်လမ်းတွဲဖြစ်တဲ့ Autumn in My Heart မှာ Song Hye Kyo ရဲ့ ငယ်ဘဝဇာတ်ကောင်အဖြစ်နဲ့ သရုပ်ဆောင်ခဲ့ပြီး အဲ့ဇာတ်ကောင်ကပဲ သူမကို လူသိများအောင် လုပ်ပေးခဲ့တာပါ။ နောက်ပိုင်း ဇာတ်လမ်းတွဲတွေမှာ ဇာတ်ဆောင်မင်းသမီးနေရာက ပါဝင်ရိုက်ကူးခဲ့တာတွေရှိသလို နာမည်ကြီးရှိုးတွေမှာလည်း ပါဝင်ခဲ့ပါတယ်။
7. Kim Hyang Gi
Kim Hyang Gi ကတော့ အသက် 6 နှစ်အရွယ်မှာ Heart Is ဇာတ်ကားနဲ့ ပွဲဦးထွက်ပါဝင်ခဲ့ပြီး The Queen’s Classroom ဆိုတဲ့ ဇာတ်လမ်းတွဲမှာ သူမကိုပိုပြီးလူသိများလာခဲ့ပါတယ်။ နောက်ထပ်သူမကို အောင်မြင်ကြော်ကြားစေတဲ့ရုပ်ရှင်စီးရီးကတော့ Along With the Gods ပဲဖြစ်ပါတယ်။ သူမပါဝင်သရုပ်ဆောင်ခဲ့သည်။ Poong, Joseon မှာလည်း ဇာတ်ဆောင်မင်းသမီးအဖြစ် ပါဝင်ထားပါတယ်။
