အဝတ်အစားမှာ ခေတ်နဲ့အညီ ဖြစ်ချင်ရင် အလွယ်ဆုံးနည်းလမ်းရှိပါတယ်။ အဲ့ဒါကတော့ ရုပ်ရှင်ကားတွေထဲက မင်းသားမင်းသမီးတွေရဲ့ ဝတ်ပုံစားပုံ ဖက်ရှင်ကို လေ့လာဖို့ ဖြစ်ပါတယ်။
ဒီတစ်ခေါက်တော့ ဖက်ရှင်အသစ်အဆန်းမှာ ပျော်မွေ့သူ ပျိုမေတို့အတွက် မလွတ်တမ်း ကြည့်ရှုသင့်တဲ့ TV ဇာတ်လမ်းတွဲ တချို့အကြောင်း မျှဝေပေးလိုက်ပါတယ်။
(၁) Crash Landing on You
စတိုင်ကျတဲ့ ဝတ်စားဆင်ယင်မှုအကြောင်း သိဖို့အတွက် ကြည့်သင့်တဲ့ TV Shows တွေထဲမှာ Crash Landing on You ဇာတ်လမ်းတွဲလည်း မပါလို့ မဖြစ်ပါဘူး။ ဒီဇာတ်ကားထဲမှာတော့ မင်းသမီး Son Ye-Jin ဟာ တကယ့် အလန်းစားတွေချည်းဝတ်ဆင်ခဲ့တာမို့ သူမရဲ့ ဖက်ရှင်တွေကို အတုယူနိုင်ပါတယ်။
ဒီဇာတ်ကားထဲကပဲ ဒုတိယမင်းသမီးဖြစ်တဲ့ Seo Ji-hye ရဲ့ဖက်ရှင်တွေကလည်း Son Ye-Jin နဲ့အပြိုင် အတုယူချင်စရာတွေချည်းပါပဲနော်။
(၂) Itaewon Class
Webtoon ကို ပြန်ပြီးရိုက်ကူးထားတဲ့ Itaewon Class ဇာတ်လမ်းတွဲကလည်း တော်တော်လေးကို ကျော်ကြားခဲ့ပါတယ်။ ဒီဇာတ်ကားထဲက မင်းသမီး Kim Da-Mi ရဲ့ ဖက်ရှင်လေးတွေက လူငယ်ကောင်မလေးတွေနဲ့ ပိုလိုက်ဖက်လို့ ဖက်ရှင်စိတ်ဝင်စားသူလေးတွေ အတုယူနိုင်ပါတယ်။
(၃) It’s Okay to Not Be Okay
နောက်ထပ် ဖက်ရှင် ချစ်သူတွေ ကြည့်ဖို့ ညွှန်းချင်တဲ့ TV Series တစ်ခုက It’s Okay to Not Be Okay ကို မျှဝေရမှာပါ။ ဒီဇာတ်လမ်းတွဲမှာ Ko Moon-young အဖြစ် သရုပ်ဆောင်တဲ့ မင်းသမီး Seo Ye-ji ရဲ့ စတိုင်က နေ့စဥ်ဖက်ရှင်အတွက် မသင့်တော်နိုင်ပေမယ့်လည်း ဖက်ရှင်ကိုလေ့လာနေသူတို့အဖို့တော့ အတော်လေး အသုံးဝင်မှာပါ။
(၄) Hotel del Luna
Hotel del Luna ဟာ သရဲပါတဲ့ Romance TV Series တွေကို သဘောကျသူတို့အကြိုက်တွေ့ကြမယ့် ဇာတ်လမ်းတွဲတစ်ခုဖြစ်ပြီး ပါဝင်သရုပ်ဆောင်ခဲ့တဲ့ IU အနေနဲ့လည်း သရုပ်ဆောင်ပိုင်းမှာ ချီးကျူးခံခဲ့ရပါတယ်။
ရုပ်ရှင် TV Series အနေနဲ့ မဖြစ်မနေ ကြည့်သင့်သလို Style အနေနဲ့လည်း IU ရဲ့ဖက်ရှင်တွေကို အများကြီးလေ့လာနိုင်မယ့် TV Series တစ်ခုပါပဲ။
(၅) The World of The Married
တီဗွီစီရီး တစ်ခုအနေနဲ့ ပရိသတ်အားပေးမှုရထားတဲ့ The World of The Married စီးရီးနဲ့ နာမည်ကြီးလာခဲ့တဲ့ မင်းသမီး Han So Hee ရဲ့ ဖက်ရှင်တွေကလည်း အတုယူစရာတွေချည်းပါပဲ။
