ရုပ်ရှင်ရိုက်ရင်း ချစ်ကျွမ်းဝင်သွားခဲ့ကြတဲ့ တောင်ကိုရီးယားအနုပညာရှင်များ

အနုပညာရှင်တွေမဟုတ်တဲ့ သာမန်လူသားတွေကတော့ ရည်းစားတစ်ယောက်ရပြီး Single ဘဝက ကျွတ်ဖို့အရေး ဆိုရှယ်မီဒီယာတွေကို အားကိုးနေရပေမယ့် အနုပညာရှင်တွေကတော့ သူတို့ရဲ့ ရှေးဟောင်းနည်းလမ်းကိုသာ အသုံးပြုကြတာဖြစ်ပါတယ်။

သူတို့ရဲ့နည်းကတော့ ရုပ်ရှင် ဇာတ်လမ်းတွဲများ အတူတူရိုက်ရင်း ချစ်ကျွမ်းဝင် သွားခြင်းပဲဖြစ်ပါတယ်။ ရုပ်ရှင် အတူတူရိုက်ရင်း ချစ်ကျွမ်းဝင်သွားခဲ့ကြတဲ့ မင်းသား မင်းသမီးစုံတွဲတွေက ယနေ့ထိတိုင် ရှိနေဆဲပဲဖြစ်ပါတယ်။

တောင်ကိုရီးယားနိုင်ငံက ဘယ် ရုပ်ရှင်မင်းသား မင်းသမီးတွေက ရုပ်ရှင်ရိုက်ရင်း ချစ်ကျွမ်းဝင်သွားခဲ့ကြတာလဲ။

Ji Sung & Lee Bo-Young (Save The Last Dance For Me)

သူတို့နှစ်ဦးသားကတော့ Save The Last Dance For Me ဆိုတဲ့ ဇာတ်လမ်းရိုက်ရင်း ဆုံတွေ့ခဲ့ကြတာဖြစ်ပါတယ်။ ထို့နောက် ၂၀၁၃ ခုနှစ်မှာ လက်ထပ်ခဲ့ကြပြီး သမီးနဲ့သားလေး ပိုင်ဆိုင်ထားပါတယ်။

Ahn Jae-Hyun & Goo Hye-Sun (Blood)

Ahn Jae-Hyun နှင့် Goo Hye-Sun တို့ဟာ ၂၀၁၅ ခုနှစ်မှာ Blood ဆိုတဲ့ ဇာတ်ကားရိုက်ရင်း တွဲဖြစ်ခဲ့ကြပါတယ်။ ၂၀၁၆ ခုနှစ်မှာ လက်ထပ်ခဲ့ကြပေမယ့်လည်း ၂၀၂၀ မှာတော့ ကွာရှင်းပြတ်စဲလိုက်ပြီလို့ ကြေညာခဲ့ကြပါတယ်။

Lee Min-Ho & Park Min-Young (City Hunter)

သူတို့နှစ်ယောက်ကတော့ ၂၀၁၁ မှာ City Hunter ရိုက်ကူးခဲ့ရင်း တွေ့ဆုံခဲ့ကြတာပါ။ ထို့နောက် တစ်နှစ်လောက် တွဲခုတ်ခဲ့ကြပေမယ့်လည်း အလုပ်မအားလို့ အချိန်မပေးနိုင်တော့တာကြောင့် လမ်းခွဲခဲ့ကြပါတယ်။

Kim-Bum & Moon Geun-Young (Goddess Of Fire)

သူတို့နှစ်ယောက်ကတော့ ၂၀၁၃ က ရိုက်ကူးခဲ့တဲ့ Goddess Of Fire ဆိုတဲ့ ဇာတ်ကားမှာ စတင်တွေ့ဆုံခဲ့ကြရာမှ တွဲခဲ့ကြပေမယ့်လည်း အချိန်အတိုင်းအတာ တစ်ခုကြာပြီးနောက်မှာတော့ အေးအေးလူလူနဲ့ပဲ နှစ်ဦးသဘောတူ လမ်းခွဲခဲ့ကြပါတယ်။

Park Si-Eun & Jin Tae-Hyun (Hold My Hand)

Hold My Hand ဆိုတဲ့ ဇာတ်ကားရိုက်ကူးရင်း တွေ့ဆုံခဲ့ကြတဲ့ Park Si-Eun နဲ့ Jin Tae-Hyun တို့ဟာလည်း အိမ်ထောင်သက် တော်တော်လေးကြာနေပါပြီ။ သူတို့မှာ မွေးစားသမီး တစ်ဦးရှိပြီးတော့ သွေးသားအရင်းမွေးဖွားဖို့ အကြိမ်ကြိမ်ကြိုးစားပေမယ့်လည်း ရေစက်မဆုံလို့ ခဏခဏ ပျက်ကျခဲ့ပါတယ်။

Ki Tae-Young & Eugene (Creating Destiny)

သူတို့နှစ်ယောက်ကတော့ ၂၀၀၀ ခုနှစ်လောက်က ရိုက်ကူးခဲ့တဲ့ Creating Destiny ဆိုတဲ့ ဇာတ်ကားမှာ တွေ့ဆုံခဲ့ကြတာပါ။ ၂၀၁၁ ခုနှစ်မှာ လက်ထပ်ခဲ့ကြပြီးတော့ အခုဆိုရင် ချစ်စရာကောင်းတဲ့ သမီးလေးနှစ်ယောက် ပိုင်ဆိုင်ထားပါတယ်။

Song Joong-Ki & Song Hye-Kyo (Descendants Of The Sun)

၂၀၁၆ ခုနှစ်မှာ Descendants Of The Sun ဆိုတဲ့ ရုပ်ရှင်ဇာတ်ကားကို ရိုက်ကူးခဲ့ကြပြီး ချစ်ကြိုးသွယ်ခဲ့ကြပါတယ်။ ၂၀၁၇ မှာ လက်ထပ်ခဲ့ကြပြီးတော့ ၂၀၁၉ ခုနှစ်မှာတော့ ကွာရှင်းပြတ်စဲကြောင်းကို ထုတ်ပြန်ကြေညာခဲ့ပါတယ်။

Nam Joo-Hyuk & Lee Sung-Kyung (Weightlifting Fairy Kim Bok-Joo)

Nam Joo-Hyuk နှင့် Lee Sung-Kyung တို့ကတော့ Weightlifting Fairy Kim Bok-Joo ဆိုတဲ့ ဇာတ်ကားရိုက်ကူးရင်း တွဲခဲ့ကြပြီးနောက် ၂၀၁၇ မှာတော့ လမ်းခွဲခဲ့ကြပါတယ်။

Lee Hye-Ri & Ryu Jun-Yeol (Reply 1988)

Lee Hye-Ri နှင့် Ryu Jun-Yeol တို့ဟာ Reply 1988 ဆိုတဲ့ ရုပ်ရှင်မှာ စတွေ့ခဲ့ကြတာပါ။ ထို့နောက် ၂၀၁၇ မှာ တွဲနေကြတယ်ဆိုတာ အတည်ပြုခဲ့ပြီး (၈) နှစ်နီးနီး ခရီးစဥ်ကိုတော့ ၂၀၂၃ ခုနှစ်မှာ ဖျက်သိမ်းခဲ့ကြပါတယ်။

Hyun-Bin and Son Ye-Jin (Crash Landing On You)

Hyun-Bin နဲ့ Son Ye-Jin တို့ စုံတွဲကတော့ Crash Landing On You ဇာတ်လမ်းပြီးနောက် သိပ်မကြာခင်ပဲ တွဲနေကြောင်း သတင်းထွက်လာခဲ့ပါတယ်။ အခုဆိုရင်‌တော့ သားဦးလေးတောင် ဖွားမြင်ပြီးပါပြီ။