Lee Sun Bin လို့ ပြောလိုက်ရင် ကိုရီးယားဇာတ်ကားပရိသတ်တွေကတော့ သေချာပေါက် သိကြမှာပါ။ မင်းသမီးလည်းဖြစ်သလို သရုပ်ဆောင် Lee Kwang Soo ရဲ့ ချစ်သူလည်းဖြစ်ပါတယ်။ အခုတစ်ခါမှာတော့ သူမရဲ့ အကြောင်းလေးတွေကို နည်းနည်းပါးပါး ပြောပြရင်း သူမရဲ့ ဖက်ရှင်လေးတွေကို မျှဝေပေးသွားမှာဖြစ်ပါတယ်။
သူမရဲ့ နာမည်အရင်းက Lee Jin-kyung ဖြစ်ပြီးတော့ ၁၉၉၄ ခုနှစ် ဇန်နဝါရီလ (၇) ရက်နေ့ဖွားဖြစ်ပါတယ်။ သရုပ်ဆောင်မင်းသမီးဖြစ်မလာခင် JQT ဆိုတဲ့ မိန်းကလေးအဖွဲ့မှာ ပါဝင်ခဲ့ဖူးပါသေးတယ်။
အဲ့နောက်မှာ အမျိုးသားအဖွဲ့ Teen Top နဲ့အတူ ယူနီဖောင်းကြော်ငြာတွေအတွက် မော်ဒယ်လ်အဖြစ် လုပ်ကိုင်ခဲ့ဖူးပြီး သရုပ်ဆောင်လောကကို ကူးပြောင်းလာခဲ့တာဖြစ်ပါတယ်။
ပရိသတ်တွေ ထင်မထားလောက်မှာကတော့ Lee Sun Bin ဟာ တရုတ်နိုင်ငံ ရုပ်သံလိုင်းဖြစ်တဲ့ CCTV ရဲ့ Finding Liu San Jie ဆိုတဲ့အစီအစဥ်နဲ့ New Year Gala တို့မှာလည်း ပါဝင်ခဲ့ဖူးပါသေးတယ်။
သူမကို လူသိများစေခဲ့တဲ့ ဇာတ်ကားကတော့ ၂၀၁၆ ခုနှစ် ဇွန်လတုန်းက ထွက်ရှိခဲ့တဲ့ OCN ရုပ်သံလိုင်းက Squad 38 ပဲ ဖြစ်ပါတယ်။ ထိုမှတဆင့် သီချင်းဆိုအစီအစဥ်တွေမှာလည်း ပါဝင်ယှဥ်ပြိုင်ဖူးခဲ့ပါတယ်။
Lee Sun Bin ရဲ့ တခြားဇာတ်ကားတွေကို ပြောရမယ်ဆိုရင်တော့ Missing 9, Criminal Minds, Rampant, “Work Later, Drink Now” , Team Bulldog: Off-duty Investigation, The Great Show, Mission: Possible စတာတွေပဲ ဖြစ်ပါတယ်။
ကဲ..ဒါဆိုရင်တော့ Lee Sun Bin ရဲ့ ဖက်ရှင်စတိုင်လ်လေးတွေကို ဆက်ပြီး လေ့လာလိုက်ရအောင်ပါ။
Image Source: Pinterest
