ဖက်ရှင်ချစ်ပရိသတ်တွေအတွက် ဒီနေ့တင်ဆက်ပေးသွားမှာကတော့ ကိုရီးယားမင်းသမီး Lee Yoo-mi ရဲ့ ဖက်ရှင်တွေပဲဖြစ်ပါတယ်။ သူမကိုတော့ ကမ္ဘာတစ်ဝှမ်း အရမ်းလူကြိုက်များခဲ့တဲ့ Squid Game ဇာတ်ကားထဲမှာ Ji-yeong အဖြစ်လူသိများပြီးတော့ ဇွန်ဘီဇာတ်လမ်းတွဲဖြစ်တဲ့ All of Us Are Dead ထဲမှာလည်း Lee Na-yeon အဖြစ် သရုပ်ဆောင်ခဲ့ပါတယ်။
Squid Game ဇာတ်ကားနဲ့ပဲ Primetime Emmy Award for Outstanding Guest Actress ဆုကို ရရှိခဲ့ပြီး ဒီဆုကို ရရှိခဲ့တဲ့ ပထမဆုံးသော ကိုရီးယားလူမျိုး မင်းသမီးလည်းဖြစ်ပါတယ်။
သူမကိုတော့ ၁၉၉၄ ခုနှစ်၊ ဇူလိုင်လ (၁၈) ရက်နေ့မှာ မွေးဖွားခဲ့တာပါ။ မွေးရပ်မြေကတော့ တောင်ကိုရီးယားနိုင်ငံ JeonJu ဖြစ်ပါတယ်။ Varo Entertainment လက်အောက်က အနုပညာရှင်တစ်ဦးပါ။
Yellow Sea ဆိုတဲ့ သည်းထိတ်ရင်ဖိုဇာတ်ကားနဲ့ ၂၀၁၀ ခုနှစ်မှာ သရုပ်ဆောင်လောကကို စတင်ဝင်ရောက်လာခဲ့ပြီး သိပ်ပြီးလူမသိခဲ့ပါဘူး။ ၂၀၂၁ ခုနှစ်မှာတော့ Squid Game ဇာတ်ကားနဲ့ ပြည်တွင်းတင်မက ပြည်ပမှာပါ အောင်မြင်မှုတွေ ရရှိခဲ့ပြီး Instagram Follower ကလည်း ရက်အနည်းငယ်အတွင်းမှာ လေးသောင်းကျော်ကနေ ၆.၅ သန်းအထိ တရှိန်ထိုးတက်သွားခဲ့ပါတယ်။
၂၀၂၂ ခုနှစ်မှာတော့ Netflix ရဲ့ All of Us Are Dead မှာ ဗီလိန်ဇာတ်ရုပ်ကို ပီပြင်အောင်သရုပ်ဆောင်နိုင်ခဲ့ပြီး နောက်ထပ်အောင်မြင်မှုတွေ ရရှိခဲ့ပါသေးတယ်။
အခုနောက်ဆုံးအနေနဲ့ကတော့ Strong Girl Nam-soon ဆိုတဲ့ ဇာတ်ကားထဲမှာ ခေါင်းဆောင်မင်းသမီးအဖြစ် ပထမဆုံး ပါဝင်သရုပ်ဆောင်ခဲ့ပါတယ်။ အခုလို မင်းသမီး Lee Yoo Mi ကို ချစ်ကြတဲ့ ပရိသတ်တွေအတွက် သူမရဲ့ဖက်ရှင်လေးတွေကို တင်ဆက်ပေးလိုက်ရပါတယ်။
Image Source: Pinterest
