ပျက်စီးနေတဲ့ ဆံပင် ဆိုတာ ဆံသား သဘာဝအဆီတွေခမ်းခြောက်ပြီး တောက်ပြောင်မှုမရှိ ၊ မွဲခြောက်နေတာ ၊ ဆံပင်အဖျားနှစ်ခွဖြစ်နေတာ ၊ ခြောက်သွေ့ကြွပ်ဆတ်ပြီး ကျိုးလွယ်ကြေလွယ်ဖြစ်နေတဲ့ ဆံပင်ကို ခေါ်တာပါ။
အကြောင်းအမျိုးမျိုးကြောင့် ဆံပင်တွေ ပျက်စီးကြမ်းတမ်းနေပြီဆိုရင်တော့ အခုပြောပြမယ့် ရိုးရှင်းတဲ့ အိမ်တွင်းကုထုံးနည်းလမ်းတွေနဲ့ ပြန်လည်ကုစားလို့ရနိုင်ပါတယ်။
(၁) ဘီယာ + ဗီတာမင် E အဆီ Hair Mask
ပါဝင်ပစ္စည်းများ
ဗီတာမင် E အဆီ – စားပွဲတင်ဇွန်း ၂ ဇွန်း
ဘီယာ – ဖန်ခွက် တစ်ဝက်ခန့်
အသုံးပြုနည်း အဆင့်ဆင့်
ဘီယာနဲ့ ဗီတာမင် E အဆီကို သမအောင် ကောင်းစွာရောမွှေပါ။ ရလာတဲ့ ဘီယာ + ဗီတာမင် E အရောအနှောကို ဦးရေပြားအနှံ့ သေချာလိမ်းကျံပြီး ညင်သာစွာ နှိပ်နယ်ပေးပါ။
ထို့နောက် ရေချိုးခန်းသုံး ဦးထုပ် ဝတ်ပြီး ဆံပင် Mask ကို နာရီဝက်လောက် ထားပေးပါ။ ပြီးရင် အပျော့စား ခေါင်းလျှော်ရည်နဲ့ ဆံပင်ကို သေချာဆေးကြောပါ။
ဘီယာအနံ့ပျောက်ချင်ရင်တော့ Conditioner သုံးနိုင်ပါတယ်
(၂) ပျားရည် + ရှားစောင်းလက်ပတ် + Almond အဆီ Hair Mask
ပါဝင်ပစ္စည်းများ
ရှားစောင်းလက်ပတ် – စားပွဲတင်ဇွန်း ၃ ဇွန်း
ပျားရည် – စားပွဲတင်ဇွန်း ၂ ဇွန်း
Almond အဆီ – စားပွဲတင်ဇွန်း ၂ ဇွန်း
အသုံးပြုနည်း အဆင့်ဆင့်
ပန်းကန်တစ်ခုထဲမှာ ပါဝင်ပစ္စည်းများ အားလုံးကို နှံ့အောင် သေချာလေး ရောမွှေပေးပါ။ ဆံပင်နဲ့ ဦးရေပြားကို ညီညီညာညာလေး အနှံ့လိမ်းကျံပြီး နာရီဝက်လောက် ထားပေးပါ။
ပြီးရင်တော့ အပျော့စား ခေါင်းလျှော်ရည်နဲ့ ဆံပင်ကို ဆေးကြောသန့်စင်လို့ရပါပြီ။
(၃) ကြက်ဥ Mask
ပါဝင်ပစ္စည်းများ
ကြက်ဥ – ၁ လုံး
အသုံးပြုနည်း အဆင့်ဆင့်
ကြက်ဥကို ပန်းကန်တစ်လုံးထဲမှာထည့်ပြီး ကောင်းစွာကြေညှက်သွားသည်အထိ သေချာလေး မွှေပေးပါ။ ရလာတဲ့ ကြက်ဥ အနှစ်ကို ဆံပင်နဲ့ ဦးရေပြားပေါ်မှာ နှံ့အောင် သေချာစွာ နှိပ်နယ်ပြီးလိမ်းပေးပါ။
ထို့နောက် ရေချိုးခန်းသုံး ဦးထုပ်ဝတ်ပြီး နာရီဝက်လောက် နှပ်ထားပေးပါ။ ပြီးရင်တော့ အပျော့စား ခေါင်းလျှော်ရည်နဲ့ ဆံပင်ကို ဆေးကြောသန့်စင်လို့ ရပါပြီ။
(၄) ငှက်ပျောသီး + ဒိန်ချဉ် Hair Mask
ပါဝင်ပစ္စည်းများ
ငှက်ပျောသီးမှည့် – ၁ လုံး
ဒိန်ချဉ် – စားပွဲတင်ဇွန်း ၂ ဇွန်း
အသုံးပြုနည်း အဆင့်ဆင့်
အရင်ဆုံး ငှက်ပျောသီးကို ဇလုံတစ်ခုထဲမှာ ကြေသွားသည်အထိ ကြိတ်ချေပြီး ဒိန်ချဉ်ရောထည့်ကာ သမအောင်မွှေပေးပါ။ ဒိန်ချဉ်နဲ့ ငှက်ပျောသီး ကောင်းစွာ ကြေညှက်သွားတဲ့အထိ သေချာစွာ မွှေပေးရပါမယ်။
ပြီးရင်တော့ ရလာတဲ့ ငှက်ပျောသီး + ဒိန်ချဉ် Hair Mask ကို ဦးရေပြားနဲ့ ဆံပင်တွေကို ညီညီညာညာလေး လိမ်းပေးပါ။ ထို့နောက် ရေချိုးခန်းသုံး ဦးထုပ် ဝတ်ပြီး Hair Mask ကို နာရီဝက်လောက် ထားပေးပါ။
ပြီးရင် အပျော့စား ခေါင်းလျှော်ရည်နဲ့ ဆံပင်ကို သေချာဆေးကြောလိုက်လို့ရပါပြီ။
