အကြောင်းအမျိုးမျိုးကြောင့် စိတ်ဖိစီးမှုတွေ၊ ပင်ပန်းနွမ်းနယ်ခြင်းတွေ ခံစားနေရတဲ့သူတွေအတွက် အကောင်းဆုံး ယောဂကျင့်စဉ် (၇) ခုကို မျှဝေပေးလိုက်ပါတယ်။ အိမ်မှာ အလွယ်တကူလုပ်လို့ရတဲ့ ယောဂကျင့်စဉ်တွေဖြစ်လို့ Try ကြည့်သင့်ပါတယ်။ ယောဂကျင့်ဖို့အတွက် ယောဂဖျာလိုအပ်ပါတယ်။
Stick Pose
ယောဂဖျာပေးမှာလှဲပြီး ခြေထောက်တွေလက်တွေ အားလုံးကို ပုံမှာလုပ်ပြထားသလို ဆန့်ထုတ်ထားရမှာ ဖြစ်ပါတယ်။ လက်နှစ်ဖက်ကို ခေါင်းအနောက်ကို ဆန့်ထုတ်ရမှာပါ။ အဲ့အတိုင်းနေပြီး အသက်ကိုဖြေးဖြေးချင်းစီ ရှူသွင်းရှူထုတ်လုပ်ပြီး စက္ကန့် ၃၀ နေပေးရင် ရပါပြီ။
Corpse Pose
လက်နှစ်ဖက်ကို ဘေးချပြီး ခြေထောက်နှစ်ဖက်ကိုလည်း သေချာဆင်းထားပြီး မျက်စိမှိတ်ကာ ခုနကလိုပဲ အသက်ရှူသွင်းရှူထုတ် ဖြေးဖြေးချင်းစီလုပ်ပေးပါ။ ၅ မိနစ်၊ ၁၀ မိနစ်လောက် လုပ်ပေးရပါမယ်။
Reclining Bound Angle With Bolster
လက်နှစ်ဖက်ကိုဘေးနည်းနည်းကားထားပြီး ခြေထောက်ကိုကွေးပြီး ခြေဖဝါးနှစ်ဖက်ကို ပူးကပ်ထားပါ။ အဲ့အတိုင်း ၅ မိနစ်နေပေးရမှာဖြစ်ပါတယ်။ စိတ်ဖိစီးမှုနဲ့ ပင်ပန်းမှုတွေ လျော့ကျစေရုံတင်မဟုတ်ပဲ ညောင်းညာမှုတွေလည်း ပြေပျောက်စေပါတယ်။
Legs Up the Wall Pose
ဒီယောဂကျင့်စဉ်ကတော့ နံရံကိုကပ်ပြီး ခြေထောက်မြှောက်ထားရမှာ ဖြစ်ပါတယ်။ ၁ မိနစ်မှ ၅ မိနစ်အထိ ကိုယ်အဆင်ပြေသလောက် အဲ့အနေအထားနဲ့ နေပေးပြီး အသက်ကိုရှိုက်ပြီးရှူသွင်းလိုက် ရှူထုတ်လိုက် လုပ်ပေးရမှာ ဖြစ်ပါတယ်။
Rag Doll Pose
ပုံမှာလုပ်ပြထားတဲ့ အနေအထားနဲ့ ၁ မိနစ်နေပေးရမှာ ဖြစ်ပါတယ်။ လက်အနေအထားကိုလည်း ပုံမှာလုပ်ပြထားသလို သေချာတူအောင် လုပ်ပေးပါ။
One-Legged Seated Forward Bend
ခြေထောက်တစ်ဖက်ကိုကွေးပြီး နောက်ခြေထောက်တစ်ဖက်ကို ဆန့်ထားပါ။ ဆန့်ထားတဲ့ခြေထောက်ရဲ့ ခြေဖဝါးကို ပုံမှာလုပ်ပြထားတဲ့အတိုင်း လက်နဲ့ကိုင်ထားပေးရမှာ ဖြစ်ပါတယ်။ အဲ့အတိုင်း စက္ကန့် ၃၀ နေလိုက်၊ ပုံမှန်အတိုင်း ပြန်နေလိုက် လုပ်ပေးပါ။ အဲ့အတိုင်း ဘယ်ညာတစ်လှည့်စီ တစ်ဖက်ကို ၃ ကြိမ်စီ တစ်ခါလုပ်ရင် စက္ကန့် ၃၀ နေပေးရမှာ ဖြစ်ပါတယ်။
Revolved Abdomen Pose
လက်နှစ်ဖက်ကို ဘေးကိုကားပြီးဆန့်ထားပါ။ ခြေထောက်ကို ညာဘက်လှည့်ကွေးပြီး မျက်နှာကိုလည်း ပုံမှာလုပ်ပြထားသလို ညာဘက်လှည့်ပါ။ အဲ့အတိုင်း ၁ မိနစ် နေပေးပါ။ အချိန်ပြည့်ရင် ဘယ်ဘက်ကိုလှည့်ပြီး အဲ့အတိုင်း ထပ်လုပ်ပေးရမှာပါ။
