နွေရာသီဖက်ရှင်အတွက် သက်တောင့်သက်သာဖြစ်စေဖို့ အကြံပြုချက်များ

နွေရာသီအတွက် အဝတ်အစားရွေးတဲ့အခါ စတိုင်ကျနေဖို့တင်မကဘဲ ဝတ်ရတာ သက်တောင့်သက်သာရှိပြီး ပေါ့ပေါ့ပါးပါးနဲ့ လွတ်လပ်မှုရှိဖို့ကလည်း အရေးကြီးပါတယ်။ ဒါကြောင့် အပြင်သွားတဲ့အခါ နေရောင်ကို စိုးရိမ်စရာမလိုဘဲ ပေါ့ပေါ့ပါးပါးနဲ့ လှပြီး အပူဒဏ်ကို ခံနိုင်ရည်ရှိအောင် နွေရာသီဖက်ရှင်အတွက် အကြံပြုချက် တချို့ကို ဝေမျှပေးချင်ပါတယ်။

ချောင်ချောင်ချိချိဝတ်ပါ

ကြပ်လွန်းတဲ့အဝတ်အစားတွေက နေပူလာတဲ့အခါ ပူပြီး ချွေးစေးတွေထွက်လာတဲ့အချိန်ဆို စိတ်အိုက်ပြီး နေရတာအဆင်မပြေတော့ပါဘူး။ ပေါ့ပေါ့ပါးပါး သက်တောင့်သက်သာဖြစ်စေဖို့ ချောင်ချိတဲ့အဝတ်အစားမျိုး ရွေးဝတ်ပါ။

လေဝင်ထွက်ကောင်းတာမျိုးရွေးဝတ်ပါ

ချည်လိုမျိုး သဘာဝအမျှင်တွေက လေဝင်လေထွက်ကောင်းစေတာမလို့ အမျှင်ဓာတ်ပါဝင်မှုများတဲ့ ချည်အထည်များကို အဓိကထားဝတ်ပါ။

လင်းတဲ့အရောင်ရွေးပါ

အရောင်ဖျော့ဖျော့လေးဝတ်တဲ့အခါ နေရောင်က အဝတ်အစားတွေကို ရောင်ပြန်ဟပ်စေပြီး ပိုအေးစေပါတယ်။ ဒါကိုမှ လေဝင်လေထွက်ကောင်းတဲ့ ပစ္စည်းတွေနဲ့ လုပ်ထားတဲ့ အဝတ်အစားတွေနဲ့ ပေါင်းစပ်လိုက်ရင်တော့ သင့်ကိုပိုပြီး သက်တောင့်သက်သာဖြစ်စေပါတယ်။

Lightweight and Light-colored Jeans ဝတ်ပါ

အကြောင်းတစ်ခုခုကြောင့် ဂျင်းဘောင်းဘီကို ဝတ်ရတော့မယ်ဆိုရင် Lightweight ဖြစ်ပြီး Light-colored Jeans တွေကို အဓိကထားဝတ်ပါ။ ဒါမှ နေရောင်ခြည်ကို ရောင်ပြန်ဟပ်ပြီး အပူဒဏ်ကို သက်သာစေမှာပါ။

ပေါ့ပါးတဲ့ ဖိနပ်တွေကို ဝတ်ပါ

ဖိနပ်ရွေးတဲ့အခါ စီးရတာသက်တောင့်သက်သာရှိပြီး‌ လေဝင်လေထွက်ကောင်းတာမျိုးကို ရွေးဝတ်ပါ။ လေဝင်ပေါက် ပိတ်နေတဲ့ဖိနပ်တွေက ချွေးတွေကြောင့် ကြာလာရင် အဆင်ပြေမှာမဟုတ်ပါဘူး။