တခေတ်တခါက လူကြိုက်များခဲ့တဲ့ Disney ရုပ်သံလိုင်း စီးရီးတွဲများ

Disney ဟာဆိုရင် နှစ်ပေါင်းမြောက်မြားစွာတိုင်အောင် ကမ္ဘာကျော် ဇာတ်ကားကောင်းတွေကို အမြဲထုတ်လုပ်နေတာဖြစ်ပြီး ဇာတ်ကားတွေအပြင် ဇာတ်လမ်းတွဲတွေလည်း ချန်နယ်လ်တစ်ခုအနေနဲ့ ရှိပါတယ်။

ကာတွန်းကားတွေအပြင် မတူညီတဲ့ ရသတမျိုးတဖုံနဲ့ မိသားစုဝင်တွေ အကုန်အတူတူကြည့်လို့ရမယ့် Shows တွေကိုလည်း ထုတ်လုပ်ခဲ့တဲ့ Disney ကနေပြီး လူသိများလာခဲ့တဲ့ ကမ္ဘာကျော်အနုပညာရှင်တွေလည်း အများကြီးပါပဲ။

Vanessa Hudgens, Zac Efron, Zendaya, Ryan Gosling စတဲ့ အနုပညာရှင်တွေဟာ သူတို့ရဲ့ အနုပညာလမ်းကြောင်းကို Disney နဲ့ အစပြုခဲ့ကြတာဖြစ်ပါတယ်။

အခုတစ်ခါမှာတော့ တစ်ခေတ်တစ်ခါက လူကြိုက်များပြီး လူကြည့်များခဲ့တဲ့ Disney ဇာတ်လမ်းတွဲတချို့ကို ရွေးချယ်ဖော်ပြပေးသွားမှာဖြစ်ပါတယ်။

Wizards Of Waverly Place

Disney ရဲ့ စီးရီးတွဲတွေကို ပြောမယ်ဆိုရင် Selena Gomez ပါဝင်သရုပ်ဆောင်ထားတဲ့ Wizards Of Waverly Place ကလည်း ချန်ထားခဲ့လို့ မရပါဘူး။ လူအများကြိုက်ကြတဲ့ မှော်ပညာ ဇာတ်ကားဖြစ်ပြီး ပျော်ပျော်ရွှင်ရွှင် ကြည့်လို့ရမယ့် ဇာတ်အိမ်လည်းဖြစ်ပါတယ်။

Hannah Montana

Hannah Montana ကတော့ Miley Cyrus ကို တရှိန်ထိုး နာမည်ကျော်သွားစေခဲ့တဲ့ ဇာတ်ကောင်တစ်ခုပဲဖြစ်ပါတယ်။ ထုတ်လွှင့်ပြသချိန်မှာလည်း လူကြည့်များခဲ့သလို ဒီဇာတ်လမ်းတွဲလေးမှာ မိသားစု၊ သူငယ်ချင်းတွေကြားက ချစ်ခြင်းတရားတွေကို ဟာသနှောပြီး ကြည့်ရှုရမှာဖြစ်ပါတယ်။

Good Luck Charlie

Good Luck Charlie ဆိုတဲ့ ဒီစီးရီးတွဲလေးကလည်း ကလေးတွေအတွက်သာမဟုတ်ဘဲ မိသားစုဝင်တွေ အကုန်လုံး အတူတူကြည့်ရှုလို့ရမယ့် Disney ရဲ့ ရှားရှားပါးပါး စီးရီးတွဲတွေထဲက တစ်ခုဖြစ်ပါတယ်။

အခုပြောပြခဲ့တာတွေအပြင် တခြားလူကြိုက်များခဲ့တဲ့ စီးရီးတွဲတွေကတော့ အောက်ပါအတိုင်းပဲဖြစ်ပါတယ်။

The Suite Life On Deck