မေးစိမှာပေါက်တဲ့ဝက်ခြံတွေ သက်သာပျောက်ကင်းစေဖို့ကူညီပေးမယ့် နည်းလမ်းများ

မေးစိမှာဝက်ခြံပေါက်တာက Stress နဲ့ ဟော်မုန်းတွေကြောင့် ဖြစ်တာများပါတယ်။ ဒါကြောင့် မေးစိမှာပေါက်တဲ့ဝက်ခြံတွေ သက်သာပျောက်ကင်းစေဖို့ ကူညီပေးမယ့် နည်းလမ်းတွေကို ပြောပြပေးလိုက်ပါတယ်။

ဝက်ခြံကိုမထိပါနဲ့

ဝက်ခြံကို ခဏခဏ လက်နဲ့ထိပြီး ကလိနေရင် ဝက်ခြံတွေက ပိုပွားပြီး အခြေအနေဆိုးလာမှာပါ။ ဒါက မေးစိမှာပေါက်တဲ့ဝက်ခြံမှ မဟုတ်ပါဘူး။ ဘယ်နေရာမှာပေါက်တဲ့ ဝက်ခြံပဲဖြစ်ဖြစ် ဒီလိုပါပဲ။

Salicylic Acid

မျက်နှာသစ်ဆေးသုံးတဲ့အခါ အထူးသဖြင့် ညဘက်ကို Salicylic Acid ပါတာ သုံးပေးပါ။ တခြား Skincare တွေမှာလည်း Salicylic Acid ပါတာမျိုး သုံးပေးရင် မေးစိမှာပေါက်တဲ့ဝက်ခြံတွေ သက်သာစေပါတယ်။

Acne Spot Treatment သုံးပါ

ဝက်ခြံတွေများနေရင် Acne Spot Treatment သုံးပေးပါ။ ဒါဆိုရင် ဝက်ခြံတွေ သက်သာပျောက်ကင်းလာမှာပါ။

Scrub မလုပ်ပါနဲ့

Scrub လုပ်ရင် ဝက်ခြံတွေ ပိုဆိုးလာတာ၊ အသားအရေနီမြန်းတာရောင်ရမ်းတာတွေ ဖြစ်လာစေပါတယ်။ ဒါကြောင့် Scrub တိုက်တာလည်း ခဏလောက်တော့ မလုပ်ပဲနေလိုက်ပါ။

ရေခဲကပ်ပါ

ဝက်ခြံတွေများပြီး နီမြန်းရောင်ရမ်းနေတယ်ဆိုရင် ရေခဲကပ်ပေးပါ။ ရေခဲကပ်ပေးတာက သက်သာစေပါတယ်။

Tea Tree Oil

ဝက်ခြံတွေသက်သာပျောက်ကင်းဖို့အတွက်ဆိုရင် Tea Tree Oil က အကောင်းဆုံးပါပဲ။ ဒါကြောင့် Tea Tree Oil ပါတဲ့ Skincare တွေ သုံးပေးနိုင်ပါတယ်။