အသက် (၂၀) ပဲရှိသေးတဲ့ NewJeans အဖွဲ့ဝင် Minji ရဲ့ Chanel ဖက်ရှင်များ

ဟယ်လို ဟယ်လို MyStyle Myanmar ရဲ့ ပရိသတ်တွေအားလုံးကို အနုပညာရှင်တို့ရဲ့ ဖက်ရှင်ကဏ္ဍကနေပြီး ပြန်လည်ကြိုဆိုလိုက်ပါတယ်။ ဒီနေ့မှာတော့ 4th Gen ရဲ့ အမျိုးသမီးကေပေါ့အဖွဲ့တွေထဲက Visual Queens စာရင်းထဲက နောက်ထပ်တစ်ဦးဖြစ်တဲ့ NewJeans အဖွဲ့ဝင် Minji ရဲ့ ဖက်ရှင်လေးတွေကို ရွေးချယ်ဖော်ပြပေးသွားမှာဖြစ်ပါတယ်။

HYBE Entertainment လက်အောက်က အခွဲကုမ္မဏီ ADOR ရဲ့ ပထမဆုံးမိန်းကလေးအဖွဲ့ဖြစ်တဲ့ NewJeans အဖွဲ့မှာ အကြီးဆုံးဖြစ်ပါတယ်။ သူမရဲ့မွေးနေ့ကတော့ ၂၀၀၄ ခုနှစ် မေလ ၇ ရက်နေ့ပါ။ သူမကိုတော့ တောင်ကိုရီးယားနိုင်ငံ ဂန်ဝန်မြို့မှာ မွေးဖွားခဲ့တာဖြစ်ပါတယ်။

မောင်နှမအနေနဲ့ကတော့ အစ်ကိုတစ်ယောက် အစ်မတစ်ယောက်ရှိပါတယ်။ ကိုရီးယား၊ အင်္ဂလိပ်၊ ဂျပန်စကားတို့ကို ပြောနိုင်ပြီး ကနေဒါမှာ လအနည်းငယ် ကျောင်းသွားတက်ဖို့အတွက် အင်္ဂလိပ်စကားကို သင်ယူခဲ့တာပါ။

Minji ဟာ Debut မတိုင်ခင် BTS အဖွဲ့ရဲ့ “Permission to Dance” MTV မှာ Hanni နဲ့အတူတူ ပါဝင်ခဲ့ဖူးပါတယ်။ NewJeans အဖွဲ့ဟာ Debut စတင်ကတည်းက တရှိန်ထိုး ကျော်ကြားလာခဲ့တဲ့ အဖွဲ့ဖြစ်ပြီးတော့ အဖွဲ့ဝင်အားလုံးဟာဆိုရင်လည်း Debut ဘယ်လောက်မှမကြာသေးဘဲနဲ့ ကမ္ဘာကျော် Luxury Brands တွေရဲ့ Ambassador အသီးသီး ဖြစ်လာခဲ့ကြပါတယ်။

Minji ကတော့ သူမရဲ့စီနီယာဖြစ်တဲ့ Jennie ခြေရာလိုက်ပြီးတော့ ကမ္ဘာကျော် Luxury Brand ဖြစ်တဲ့ Chanel ရဲ့ Ambassador အဖြစ် ရွေးချယ်ခံခဲ့ရပါတယ်။ အခုလို ငယ်ငယ်ရွယ်ရွယ်နဲ့ အောင်မြင်နေတဲ့ Minji ရဲ့ Chanel ဖက်ရှင်လေးတွေကို စုစည်းတင်ဆက်လိုက်ရပါတယ်။