ဆံသားကျန်းမာရေးပိုကောင်းလာစေဖို့ Homemade Scalp Scrub ပြုလုပ်နည်းများနဲ့ အသုံးပြုပုံတွေကို မျှဝေပေးလိုက်ပါတယ်။ အလုပ်ရှုပ်မခံချင်ရင်တော့ လုပ်ပြီးသား Scalp Scrub တွေဝယ်သုံးလို့ရပေမယ့် ပိုက်ဆံနည်းနည်း ချွေတာချင်တဲ့သူတွေဆိုရင်တော့ Homemade Scalp Scrub လုပ်တာက ပိုအဆင်ပြေမှာပါ။
Scalp Scrub လုပ်တာက သွေးလည်ပတ်မှုကောင်းမွန်စေပြီး dead skin cells တွေကိုလည်း ဖယ်ရှားပေးတယ်၊ ဆံသားကျန်းမာပြီး သန်စွမ်းစေပါတယ်။ ဒီ Homemade Scalp Scrub တွေထဲက ကိုယ်အဆင်ပြေတာကို ရွေးချယ်ပြုလုပ်နိုင်ပါတယ်။
အုန်းဆီနဲ့သကြားညို
အုန်းဆီနဲ့သကြားညိုကိုရောပြီး ဦးရေပြားကို Scrub တိုက်သလို ဖြေးဖြေးချင်းစီ ပွတ်ပေးရမှာပါ။
Apple Cider Vinegar နဲ့ Baking Soda
နောက်ထပ်နည်းတစ်မျိုးကတော့ Apple Cider Vinegar နဲ့ Baking Soda ကို ရောမွှေပြီး ခုနကလိုပဲ လုပ်ပေးရမှာဖြစ်ပါတယ်။
ရှားစောင်လက်ပတ်ဂျယ်လ်နဲ့ပင်လယ်ဆား
ရှားစောင်လက်ပတ်ဂျယ်လ်ကို ပင်လယ်ဆားနဲ့ သင့်တော်သလောက်ရောပြီး Scrub တိုက်ပေးရမှာဖြစ်ပါတယ်။
Oatmeal နဲ့ပျားရည်
Oatmeal နဲ့ပျားရည်ကို ပျစ်ပျစ်လေးဖြစ်အောင် ရောမွှေပြီးတော့ Scrub တိုက်ပေးရပါမယ်။
Tea Tree Oil နဲ့သကြား
Tea Tree Oil နဲ့သကြားကိုလည်း ပျစ်ပျစ်လေးဖြစ်အောင် ရောမွှေပြီးတော့ Scrub တိုက်ပေးရမှာပါ။ ဦးရေပြားမှိုဖြစ်တာတွေပါ သက်သာစေပါတယ်။
ဒိန်ချဉ်နဲ့သံပယိုရည်
ဒိန်ချဉ်နဲ့သံပယိုရည်ကိုလည်း ရောပြီးတော့ ဦးရေပြားကို Scrub တိုက်ပေးရမှာ ဖြစ်ပါတယ်။
အသုံးပြုရမယ့်ပုံစံကတော့ အရင်ဆုံး ခေါင်းလျှော်ပြီးတော့ ဆံပင်ကို Section ခွဲလိုက်ပါ။ ပြီးရင် အဲ့ခွဲထားတဲ့နေရာတွေမှာ Scrub ပွတ်တိုက်ပေးရမှာပါ။ ကြမ်းကြမ်းတမ်းတမ်း ပွတ်တိုက်တာမျိုး မလုပ်ပဲနဲ့ Circular Motion ဖြေးဖြေးချင်းစီ ပွတ်ရမှာပါ။ ပြီးရင်တော့ ရေနဲ့သေချာပြန်သန့်စင်လိုက်ရင် ရပါပြီ။
