ကေပေါ့အိုင်ဒေါလောကထဲမှာ အခုဆိုရင် ကိုရီးယားလူမျိုးတွေသာမက နိုင်ငံခြားသား သွေးနှောတွေလည်း အများကြီးပါဝင်လာတာကို မြင်တွေ့ရမှာပါနော်။ အခုတစ်ခေါက် MyStyle Myanmar ရဲ့ စာဖတ်ပရိတ်သတ်တွေအတွက် ရွေးချယ်ထားသူလေးကတော့ ကေပေါ့လောကရဲ့ ပထမဆုံး ဩစတြေးလျ-ဗီယက်နမ် ကပြားမလေး Hanni ပဲ ဖြစ်ပါတယ်။
Hanni ရဲ့ နာမည်အရင်း အပြည့်အစုံက English လိုဆို Hanni Pham ဖြစ်ပြီး ဗီယက်နမ်လိုဆိုရင်တော့ Phạm Ngọc Hân ဖြစ်ပါတယ်။ သူမကို ဩစတြေးလျနိုင်ငံ Melbourne မြို့၌ ၂၀၀၄ ခုနှစ် အောက်တိုဘာလ ၆ ရက်နေ့မှာ မွေးဖွားခဲ့တာပါ။
သူမထက် သုံးနှစ်ငယ်တဲ့ ညီမလေးတစ်ယောက်လည်း ရှိပါတယ်။ K-pop အဖွဲ့တွေရဲ့ cover အဖြစ် ကခဲ့ရာကနေပြီး ၂၀၁၉ ခုနှစ်မှာ Audition အောင်ကာ သင်တန်းသူဖြစ်လာခဲ့ပါတယ်။
ကိုရီးယားစကားနဲ့ English စကားကို ကောင်းကောင်းပြောနိုင်ပေမယ့်လည်း ဗီယက်နမ်ဘာသာက ပြောရတာခက်ခဲတယ်လို့ ဆိုပါတယ်။ BTS အဖွဲ့ရဲ့ “Permission to Dance” MV မှာလည်း ပါဝင်ခဲ့ဖူးပါသေးတယ်။
ကမ္ဘာကျော်ဖက်ရှင်အမှတ်တံဆိပ်ဖြစ်တဲ့ Gucci ရဲ့ Ambassador အဖြစ် ရွေးချယ်ခံရတဲ့ ပထမဆုံး အဖွဲ့ဝင်ဖြစ်တဲ့ သူမရဲ့ ပရိတ်သတ်တွေအတွက် Hanni ဝတ်ဆင်ခဲ့ဖူးတဲ့ Gucci ဖက်ရှင်တွေကို ရွေးချယ်ဖော်ပြပေးလိုက်ရပါတယ်။
Image Source: Pinterest
