MyStyle Myanmar ရဲ့ စာဖတ်ချစ်ပရိတ်သတ်တွေကို အနုပညာရှင်တို့ရဲ့ ဖက်ရှင်ကဏ္ဍကနေပြီး ပြန်လည်ကြိုဆိုလိုက်ပါတယ်။ ဒီနေ့မှာတော့ ရွေးချယ်ထားတဲ့ အနုပညာရှင်က လတ်တလော တအားကို ဟော့ဖြစ်နေတဲ့ အမျိုးသမီးအဖွဲ့ NewJeans ထဲက ကြောင်ပေါက်လေး Haerin ပဲဖြစ်ပါတယ်။
Haerin ကိုတော့ ၂၀၀၆ ခုနှစ် မေလ (၁၅) ရက်နေ့မှာ တောင်ကိုရီးယားနိုင်ငံ ဆိုးလ်မြို့၌ မွေးဖွားခဲ့တာဖြစ်ပါတယ်။ ၂၀၂၀ ခုနှစ်မှာ အလယ်တန်း ဒုတိယနှစ်ထိ ကျောင်းတက်ခဲ့ပေမယ့်လည်း သင်တန်းသူဖြစ်ဖို့ရာအတွက် ကျောင်းထွက်ခဲ့ပါတယ်။
၂၀၂၂ ခုနှစ် ဇူလိုင်လ ၂၁ ရက်နေ့မှာတော့ ADOR ရဲ့ ပထမဆုံး မိန်းကလေးအဖွဲ့ဖြစ်တဲ့ NewJeans အဖွဲ့ဝင်အဖြစ် မိတ်ဆက်ပေးခဲ့ပြီးတော့ ၂၀၂၂ ခုနှစ် ဩဂုတ်လ ၁ ရက်နေ့မှာ Debut လုပ်ခဲ့ပါတယ်။
၂၀၂၃ ခုနှစ် ဧပြီလမှာတော့ ကမ္ဘာကျော် Luxury Brand ဖြစ်တဲ့ Dior ရဲ့ လက်ဝတ်ရတနာအတွက် Gloabl နဲ့ ဖက်ရှင်နဲ့ အလှအပ အတွက် In House Ambassador အဖြစ် ကြေညာခဲ့ပါတယ်။
Debut စလုပ်ချိန်ကတည်းက သူမရဲ့ ထူးခြားလှပတဲ့ မျက်လုံးတွေကြောင့် ကြောင်ပေါက်လေးအဖြစ် တင်စားခံခဲ့ရပြီး လူသိများလာခဲ့တာဖြစ်ပါတယ်။ အင်မတန်လည်းအနေအေးပြီး အဆိုရော အကရော တော်လွန်းတဲ့ သူမရဲ့ Dior ဖက်ရှင်လေးတွေကို ပရိတ်သတ်ကြီးအတွက် စုစည်းတင်ဆက်ပေးလိုက်ရပါတယ်။
Image Source: Pinterest
