တချို့တွေအတွက် အခွင့်အလမ်းနဲ့ ရှေ့ရေးဆိုတာ အကန့်အသတ်မရှိသလိုပါပဲ။ ပုံမှန်အားဖြင့် ပရော်ဖက်ရှင်တစ်ခုမှာ ထူးချွန်ပေမယ့် နောက်ထပ်မတူတဲ့ နယ်ပယ်မှာ နေရာရဖို့ဆိုတာ အတော်ကြီး ခက်ခဲပါတယ်။ ဒါပေမယ့်လည်း တခြားအလုပ်အကိုင်တွေကို လုပ်ကိုင်ခဲ့ဖူးသလို လက်ရှိအချိန်မှာလည်း ဖန်သားပြင်ထက်မှာ အောင်မြင်နေတဲ့ အနုပညာရှင်တွေ ရှိနေပါတယ်။
(၅) Kim Tae-ri
Na Hee Do ဆိုတဲ့ ဇာတ်ကောင်နဲ့ Twenty Five-Twenty One ဇာတ်ကားမှာ ပါဝင်သရုပ်ဆောင်ခဲ့ရာကနေ ပရိတ်သတ်တွေ ပိုချစ်သွားခဲ့ကြတဲ့ မင်းသမီး Kim Tae-ri ကတော့ သရုပ်ဆောင်မဖြစ်ခင် ကျောင်းတက်ရင်းနဲ့ မနက်ပိုင်း နွားနို့လိုက်ပို့ခဲ့ဖူးသလို ကော်ဖီဆိုင်မှာလည်း လုပ်ခဲ့ဖူးပါသေးတယ်။
(၄) Go Min-si
Youth of May နဲ့ Sweet Home ဇာတ်ကားတွေနဲ့ နာမည်ရလာခဲ့တဲ့ မင်းသမီး Go Min-si ကလည်း သရုပ်ဆောင်ဖြစ်မလာခင် အထက်တန်းကျောင်းအပြီး မိတ်ကပ်ပညာပိုင်းကို လေ့လာခဲ့ပြီး မင်္ဂလာပွဲစီစဥ်သူအဖြစ် လုပ်ကိုင်ခဲ့ပါတယ်။
(၃) Pyo Ye-jin
Fight for My Way, Taxi Driver ဇာတ်ကားတွေနဲ့ သူမရဲ့သရုပ်ဆောင်လမ်းကြောင်းကို မစတင်ခင်မှာ မင်းသမီး Pyo Ye-jin ဟာ ကိုရီးယားနိုင်ငံရဲ့ အကြီးဆုံး လေကြောင်းလိုင်းဖြစ်တဲ့ Korean Air မှာ အငယ်ဆုံး လေယာဥ်မယ်အဖြစ် လုပ်ကိုင်ခဲ့ပါတယ်။ လေယာဥ်မယ်အလုပ်လုပ်ကိုင်စဥ်တုန်းက သူမဟာ အသက် ၁၉ နှစ်ပဲရှိပါသေးတယ်။
(၂) Kim Min-seok
မင်းသား Kim Min-seok ကတော့ ပရိတ်သတ်တွေအနေနဲ့ Descendants of the Sun, The Doctors ဇာတ်ကားတွေမှာ ပိုပြီးသတိထားမိကြမှာဖြစ်ပါတယ်။ မိသားစုကို ပြန်ပြီးထောက်ပံ့ဖို့အတွက် သူ မင်းသားမဖြစ်ခင်မှာ အသက် ၁၇ နှစ်ကတည်းက ဂျပန်စားသောက်ဆိုင်မှာ အလုပ်လုပ်ကိုင်ခဲ့ပါတယ်။
(၁) Lee Yoo Mi
Squid Game, All of Us Are Dead, Strong Girl Nam-soon ဒီဇာတ်ကားသုံးကားနဲ့ ပရိတ်သတ်တွေကို သတိထားမိစေခဲ့တဲ့ မင်းသမီး Lee Yoo Mi ဟာဆိုရင်လည်း သူမသရုပ်ဆောင်မဖြစ်ခင် အစားအသောက်လိုက်ပို့တဲ့ Delivery အလုပ်ကို လုပ်ကိုင်ခဲ့ဖူးတယ်လို့ အင်တာဗျူးတစ်ခုမှာ ဖြေခဲ့ဖူးပါတယ်။
