Bikini Area က အမွှေးအမျှင်တွေကိုဖယ်ရှားဖို့ Shaving ၊ Waxing ၊ Laser စသဖြင့် နည်းလမ်းအမျိုးမျိုးသုံးကြပါတယ်။ အခုကတော့ Bikini Area ကို Shaving လုပ်တဲ့သူတွေအတွက် Shaving လုပ်တဲ့အခါ အဖုအထစ် မဖြစ်စေဘဲ အသားအရေကိုချောမွေ့စေဖို့ နည်းလမ်းလေးတွေ ဝေမျှပေးချင်ပါတယ်။

ဆီးခုံမြှေးပါးနေရာက အမွှေးအမျှင်တွေက အရမ်းရှည်နေတယ်ဆိုရင် မျက်ခုံးမွေးကတ်ကြေးသေးသေးလေးနဲ့ နည်းနည်းညှပ်ပြီးမှ Shaving လုပ်ပေးပါ။

Exfoliation လုပ်ပြီးမှ Shaving လုပ်တာကလည်း Bikini Area ကို အဖုအထစ်မရှိဘဲ ချောမွေ့စေပါတယ်။

ဓားအဟောင်းတွေက အဖုအထစ်ဖြစ်နိုင်ခြေကိုများစေတဲ့အပြင် သံချေးတက်နေတဲ့ဓားက ပိုးမွှားနဲ့ ဘက်တီးရီးယားတွေ ခိုအောင်းနိုင်တာမလို့ တစ်ခါသုံးသင်တုန်းဓားအသစ်ကို သုံးပေးပါ။

Bikini Area ကို Shaving မလုပ်ခင် Shaving Cream လိမ်းပေးပါ။ ဘာလို့လဲဆိုတော့ ဒါက အဖုအထစ်ဖြစ်တာ အသားယားယံတာတို့ဖြစ်နိုင်ချေကို လျှော့ချပေးပါတယ်။

Shaving လုပ်တဲ့အခါ အရေပြားကို တင်းတင်းရင်းရင်းဆွဲပြီး အမွှေးအမျှင်တွေရဲ့ လမ်းကြောင်းအတိုင်း Shaving လုပ်ပေးပါ။ ဘလိတ်ဓားကို မကြာခဏ ဆေးပေးပါ။

အရေပြားကို အစိုဓာတ်မထိန်းနိုင်ရင် ယားနိုင်တာမလို့ Shaving လုပ်ပြီးရင် ခြောက်အောင်သုတ်ပြီး အစိုဓာတ်ပေးတဲ့ Lotion ၊ Cream စတဲ့ တခုခုလိမ်းပေးပါ။