Fireworks of My Heart ဇာတ်လမ်းတွဲထဲက တရုတ်မင်းသမီးလေး Wang Chu Ran ရဲ့ ဖက်ရှင်များ

K Drama တွေကိုလည်း အရူးအမူးအားပေးကြသလိုမျိုး C Dramas တွေကိုလည်း မလွတ်တမ်း ကြည့်ဖြစ်တယ်ဆိုသူတွေအနေနဲ့ လက်ရှိမှာ ပရိတ်သတ်တွေ သတိထားမိနေတဲ့ တရုတ်မင်းသမီးလေး Wang Chu Ran ကို ကျိန်းသေပေါက် သိကြမယ်ထင်ပါတယ်။

မကြာသေးခင်ကပဲ မင်းသားချော Yang Yang နဲ့အတူ Fireworks of My Heart ဆိုတဲ့ ဇာတ်လမ်းတွဲမှာ ပါဝင်သရုပ်ဆောင်ခဲ့ပြီး ပရိတ်သတ်တွေ တော်တော်လေး သဘောကျခဲ့ကြပါတယ်။

သူမကိုတော့ ၁၉၉၉ ခုနှစ် ဇန်နဝါရီလ ၂၁ ရက်နေ့မှာ တရုတ်နိုင်ငံ ရှန်ဟိုင်းမြို့မှာ မွေးဖွားခဲ့တာဖြစ်ပါတယ်။ ပညာရေးအနေနဲ့ Shanghai Theatre Academy တက်ရောက်ခဲ့ပြီး ၂၀၁၆ ခုနှစ်မှာ Oh My General ဆိုတဲ့ဇာတ်လမ်းတွဲနဲ့ သရုပ်ဆောင်အလုပ်ကို စတင်လုပ်ကိုင်ခဲ့ပါတယ်။

သူမပါဝင်ထားသေးတဲ့ တခြား ဇာတ်လမ်းတွဲတွေကို ပြောရမယ်ဆိုရင်တော့ Have a Crush on You, The Longest Promise, Royal Feast, Zai Yi Qi (With You), Lovers Across Space, Serenade of Peaceful Joy စတာတွေပဲ ဖြစ်ပါတယ်။

သရုပ်ဆောင်တာအပြင် သူမပါဝင်ထားတဲ့ တချို့ဇာတ်လမ်းတွဲရဲ့ OST တွေအတွက်လည်း သီဆိုခဲ့ဖူးပါသေးတယ်။

အရပ်အမြင့် ငါးပေခြောက်လက်မရှိပြီး မော်ဒယ်လ်တွေလို ခန္ဓာကိုယ်အချိုးအစားရှိတဲ့ သူမရဲ့ ဖက်ရှင်လေးတွေကို MyStyle Myanmar ရဲ့ အနုပညာရှင်ဖက်ရှင်ကဏ္ဍအတွက် ရွေးချယ်တင်ဆက်ပေးလိုက်ပါတယ်နော်။