အထူးသဖြင့် ဆောင်းတွင်းရောက်ပြီဆိုရင် ခြေထောက်အသားအရေက ခြောက်သွေ့ပြီး အသားပတ်တာမျိုးတွေ ဖြစ်တတ်ပါတယ်။ လက်အသားအရေထက် ခြေထောက်ကပိုပြီး ခြောက်သွေ့လွယ်ပါတယ်။ ဒါကြောင့် ခြေထောက်အသားအရေ ခြောက်သွေ့ပြီး အသားပတ်တာ သက်သာစေမယ့် နည်းလမ်း ၅ ခုကို မျှဝေပေးလိုက်ပါတယ်။
Dry Brush သုံးပါ
Dry Brush သုံးပေးခြင်းက သွေးလည်ပတ်မှုကောင်းမွန်စေပြီး အသားအရေကြမ်းတမ်းတာ၊ အသားခြောက်တာတွေ သက်သာစေပါတယ်။ အသားအရေချောမွေ့စေပါတယ်။
Scrub တိုက်ပါ
တစ်ပတ် ၁ ကြိမ် (သို့) ၂ ကြိမ် Scrub တိုက်ပေးမယ်ဆိုရင် Dead Skin Cells တွေ ဖယ်ရှားပေးပြီး အသားအရေ ချောမွေ့လာမယ်၊ အသားအရေကြည်လင်ပြီး အသားခြောက်တာတွေလည်း သက်သာလာပါလိမ့်မယ်။
Body Oil လိမ်းပါ
ခြေထောက်ကို Body Oil လိမ်းပေးမယ်ဆိုရင် အသားခြောက်တာတွေ သက်သာပြီး အသားအရေစိုပြည်ကာ Glow လာစေပါတယ်။ အသားအရမ်းခြောက်တယ်ဆိုရင် Body Oil ကို မဖြစ်မနေ ဆောင်ထားပြီး သုံးသင့်ပါတယ်။
Nourishing Lotion လိမ်းပါ
ရိုးရိုး Lotion မဟုတ်ပဲ အသားအရေကို အစိုဓာတ်ကောင်းကောင်းပေးနိုင်တဲ့ Nourishing Lotion တွေ လိမ်းပေးပါ။ မနက်တစ်ကြိမ်၊ ညတစ်ကြိမ် သေချာလိမ်းပေးမယ်ဆိုရင် အသားခြောက်တာတွေ သက်သာပြီး အသားအရေစိုပြည်လာမှာပါ။
Moisturizing Shower Gel
ရေချိုးဆပ်ပြာတုံးတွေမသုံးပဲ Moisturizing ပေးနိုင်တဲ့ အသားခြောက်တဲ့သူတွေအတွက် ထုတ်ထားတဲ့ Shower Gel တွေကိုသုံးပေးခြင်းကလည်း အသားခြောက်တာတွေ သက်သာစေဖို့ ကူညီပေးမယ့် နည်းလမ်းတစ်ခုပါပဲ။
