မိန်းကလေးတွေရဲ့အဝတ်ဘီဒိုထဲမှာ မကြိုက်မနှစ်သက်တော့လို့ မဝတ်တော့ဘဲ ချောင်ထိုးထားတဲ့ အဝတ်အစားတွေ အများကြီးရှိကြမှာပဲနော်။ အဲ့ဒီအဝတ်အစားတွေကို ချောင်မထိုးထားဘဲ နောက်ဆုံးပေါ်ဖက်ရှင်ဖြစ်သွားအောင် ဒီဇိုင်းထွင်ဝတ်လို့ရတယ်ဆိုရင်ရော ပျိုမေလေးတို့ထွင်ဝတ်ကြမလား။ ရှပ်အင်္ကျီကို ပုခုံးအလျှောလေးဖြစ်သွားအောင် ဖန်တီးကြမယ်
လိုအပ်တဲ့ပစ္စည်းများ
ရှပ်အင်္ကျီတစ်ထည်၊ သားရေကြိုးတစ်ချောင်း၊ မြေဖြူ၊ ကတ်ကြေး၊ အပ်ချည်ကြိုး၊ ပင်အပ်။
အင်္ကျီအရှေ့ခြမ်းကနေပြီးတော့ ပေတံနဲ့ အခုလိုတိုင်းဖြတ်ဖို့အတွက် အမှတ်အသားမှတ်ထားပါ။
ပေတံနဲ့မှတ်ထားတဲ့ အမှတ်အသားကို ကတ်ကြေးနဲ့ညှပ်လိုက်ပါ။
သားရေကြိုးထည့်ဖို့အတွက် အနားစကို ခေါက်လိုက်ပြီး ပင်အပ်နဲ့အခုလို ထိုးထားလိုက်ပါ။
ပြီးရင် ခေါက်ထားတဲ့နေရာကို အပ်ချုပ်စက်နဲ့ချုပ်လိုက်ပါ။ အပ်ချုပ်စက်နဲ့ မချုပ်ချင်ရင်လည်း အပ်ချည်ကြိုးနဲ့ အပ်အသုံးပြုပြီး ချုပ်ပေးလိုက်ပါ။
အဲ့ဒီနောက်မှာ တူ (သို့) တုတ်တစ်ချောင်းအသုံးပြုပြီး သားရေကြိုးကို ထည့်လိုက်ပါ။
ဟိုဘက်ဒီဘက်ထွက်လာတဲ့ သားရေကြိုးကို ပူးချည်လိုက်ပါ။
နောက်ဆုံးမှာတော့ အင်္ကျီလက်အရှည်ကို ခေါက်လိုက်တာပဲဖြစ်ဖြစ်၊ ညှပ်ထုပ်လိုက်တာပဲဖြစ်ဖြစ် ပြုလုပ်ပါ။
အခုဆိုရင်တော့ စတိုင်ကျလှပတဲ့ အင်္ကျီပုခုံးအလျှောလေးတစ်ထည်ရရှိသွားပါပြီ။
Source: apairandasparediy.com
