အလှအပကို ချစ်မြတ်နိုးတဲ့ ပျိုမေတွေအတွက် ဒီပို့စ်မှာတော့ ပြောင်လက်တောက်ပတဲ့ ဆံကေသာနဲ့ အသားအရေကို ကြည်လင်ဝင်းပစေဖို့ သုံးလို့ရတဲ့ ဆန်ဆေးရည်ရဲ့ ကောင်းကျိုးလေးတွေကို မျှဝေပေးသွားမှာပါ။
ခေါင်းလျှော်ပြီးရင် ဆန်ဆေးရည်လောင်းပြီး ဦးရေပြားကို နှိပ်နယ်ပေးပါ။ 5 မိနစ်အကြာမှ ရေနဲ့ဆေးချပါ။
ချောမွေ့နေတဲ့ဆံပင်ရဖို့ ဆန်ဆေးရေထဲ Essential Oil ထည့်ပြီး စိုနေတဲ့ဆံပင်ပေါ်မှာလိမ်းပေးပါ။ ၅ မိနစ်လောက် ထားပြီး ရေဆေးချလိုက်ပါ။
ကြည်လင်သန့်စင်တဲ့ အသားအရေကိုရဖို့ ဆန်လုံးတွေကို ရေထဲမှာ စိမ်ပြီး အရေပြားပေါ် ညင်သာစွာ ပွတ်ပေးပါ။
အသားအရေကို ကြည်လင်စေပြီး အသားအရေကို နုပျိုစေဖို့ ဆန်ဆေးရေကို Toner အဖြစ်လည်း သုံးလို့ရပါသေးတယ်။ ဝက်ခြံတွေကို သက်သာစေတဲ့အပြင် ချွေးပေါက်တွေကိုလည်း ကျဥ်းစေပါတယ်။
နေလောင်ကွက်တွေကို သက်သာစေဖို့ အကောင်းဆုံးနည်းလမ်းကတော့ ဆန်ဆေးရည်ကို အရေပြားပေါ် လိမ်းပေးရုံပါပဲ။ ချွေးပေါက်တွေကို ကျဉ်းစေပြီး အသားအရေကို တင်းတင်းရင်းရင်းဖြစ်စေပါတယ်။
လူသိများတဲ့ Ferulic Acid နဲ့ Allantoin တို့လို Antioxidants တွေနဲ့ ရောင်ရမ်းမှုကိုသက်သာစေတဲ့ ဂုဏ်သတ္တိတွေကြောင့် ဆန်ဆေးရေကို ထိရောက်တဲ့ လိမ်းဆေးအဖြစ်လည်း သတ်မှတ်လို့ရပါတယ်။
