ခဏခဏအိပ်မပျော်ဖြစ်တတ်တဲ့သူတွေ လုပ်သင့်တဲ့ Yoga 5 မျိုးကို ဖော်ပြပေးလိုက်ပါတယ်။ ညဘက်တွေဆို တော်ရုံနဲ့အိပ်မပျော်ဘူး။ အိပ်ပျော်ပြီးရင်လည်း ခဏခဏပြန်နိုးတယ်ဆိုရင် ဒီ Yoga တွေကို လုပ်ကြည့်ဖို့ အကြံပြုပါတယ်။

Big Toe Pose

ပုံမှာလုပ်ပြထားသလို ခြေမထိပ်တွေကို လက်တွေနဲ့ထိပြီး အရှေ့ကိုကုန်းရမှာပါ။ ဒူးကွေးတာမျိုးမလုပ်ပဲ ခြေထောက်ကို ဆန့်ထားရပါမယ်။ အဲ့အတိုင်း 1 မိနစ်မှ 3 မိနစ်အထိနေပြီး အသက်ရှူသွင်းရှူထုတ် ဖြေးဖြေးချင်းစီ လုပ်ပေးရပါမယ်။

Bound Angle Pose

ခြေဖဝါးနှစ်ဖက်ကိုပူးကပ်ပြီး ပုံမှာလုပ်ပြထားသလို တည့်တည့်မတ်မတ် ထိုင်ရပါမယ်။ အဲ့အတိုင်းနေပြီး အသက်ကို ဖြေးဖြေးချင်းရှိုက်ရှူလိုက်၊ ရှူထုတ်လိုက်နဲ့ 1 မိနစ်လုပ်ပေးရင် ရပါပြီ။ မျက်စိမှိတ်ထားဖို့လည်း မမေ့ပါနဲ့။

Extended Puppy Pose

ပုံမှာလုပ်ပြထားတဲ့အတိုင်း 1 မိနစ်နေပြီး အသက်ရှူသွင်းရှူထုတ်ကို ဖြေးဖြေးချင်းစီ လုပ်ရပါမယ်။ ခါးကကုန်းနေတာမျိုး မဖြစ်ရပါဘူး။ ခါးကိုဆန့်ထားရပါမယ်။ လက်နှစ်ဖက်ကိုလည်း အရှေ့ကိုဆန့်ထားရပါမယ်။

Supine Twist

ပုံမှာလုပ်ပြထားတဲ့ Supine Twist အနေအထားနဲ့ 1 မိနစ်နေပြီး အသက်ရှူသွင်းရှူထုတ် ဖြေးဖြေးချင်းစီ လုပ်ပေးပါ။ ဘယ်ညာတစ်လှည့်စီ တစ်ဖက်ကို 1 မိနစ်စီ နေပေးရပါမယ်။

Legs Up the Wall

ခြေထောက်နှစ်ချောင်းကိုစုပြီး အပေါ်မြှောက်ကာ နံရံမှာကပ်ထားရမှာ ဖြစ်ပါတယ်။ ဒီလိုအနေအထားနဲ့ အနည်းဆုံး 5 မိနစ်မှ 15 မိနစ်အထိ နေပေးပြီး အသက်ကို ဖြေးဖြေးချင်းစီ ရှူသွင်းလိုက် ရှူထုတ်လိုက် လုပ်နေပေးရုံပါပဲ။

ညအိပ်ခါနီး 1 နာရီအလို၊ 2 နာရီအလိုလောက်မှာ ဒီ Yoga 5 မျိုးကို ပုံမှန်လုပ်ပေးသွားမယ်ဆိုရင် ညဘက်တွေမှာ မြန်မြန်ဆန်ဆန် အိပ်ပျော်ပြီး နှစ်နှစ်ခြိုက်ခြိုက် အိပ်စက်နိုင်ပါတယ်။