အခုမှ Makeup စပြင်မယ့်သူတွေအတွက် ပြင်ဆင်ရတာ လွယ်ကူရိုးရှင်းပြီး အရမ်းလည်းလှတဲ့ Brick Rose Makeup Look ပြင်နည်းကို မျှဝေပေးလိုက်ပါတယ်။ ဒီ Makeup Look လေးက အသားဖြူဖြူ ညိုညို အားလုံးနဲ့လိုက်ဖက်တဲ့ Makeup Look လေးဖြစ်တဲ့အပြင် ထသွားထလာအတွက်လည်း အရမ်းအဆင်ပြေပါတယ်။ ဒါ့အပြင် Fashion တော်တော်များများနဲ့ လိုက်ဖက်ပါတယ်။
အရင်ဆုံး Primer လိမ်းပါမယ်။ ပြီးတော့မှ ကိုယ်လိမ်းနေကျ Foundation (သို့) BB Cream တစ်ခုခုကို လိမ်းပေးပါ။ လိမ်းတဲ့အခါမှာ နည်းနည်းချင်းစီယူပြီး သိပ်သိပ်ညက်ညက်လေးဖြစ်အောင် လိမ်းပေးပါ။
ပြီးရင်တော့ မျက်ခုံးမွှေးဆွဲပါမယ်။ မျက်ခုံးမွှေးရှိပြီးသားသူဆိုရင် Brow Gel နဲ့ပဲ ဖြီးလိုက်ပါ။ ဒါကပိုပြီးတော့ Natural ဆန်းပါတယ်။
Eye Look လေးကို စပြင်မှာဖြစ်တဲ့အတွက် အရင်ဆုံး Eyeshadow အသားရောင်ကို မျက်ခွံမှာ ခြယ်ပါမယ်။
အသားရောင်ထက် နည်းနည်းရင့်တဲ့ Eyeshadow အရောင်ကိုတော့ မျက်ခွံ အရစ်နေရာလေးအထိ ထပ်ခြယ်ပါမယ်။ မျက်လုံးအောက်နားလေးကိုလည်း ခြယ်ပါမယ်။
အညိုရောင် Eyeshadow ကို မျက်လုံးထောင့်နားမှာ Eyeliner Wings လိုမျိုးလေး ဆွဲပါမယ်။
Mascara နဲ့ မျက်တောင်ကော့ပါမယ်။
Brick Rose Makeup Look လေးဖြစ်တဲ့အတွက် နှုတ်ခမ်းနီကိုတော့ Brick Rose Color လေးပဲ ဆိုးပါမယ်။
ဒါဆိုရင်တော့ အခုမှ Makeup စပြင်မယ့်သူတွေအတွက် လွယ်ကူရိုးရှင်းပြီး အရမ်းလည်းလှတဲ့ Brick Rose Makeup Look လေးကို ရရှိသွားပြီပဲ ဖြစ်ပါတယ်။
ဒီ Makeup Look လေးမှာတော့ ပါးနီမခြယ်ထားပါဘူး။ ပါးနီခြယ်ချင်တယ်ဆိုရင် Brick Rose Color လေးကိုပဲ ပါးပါးလေးခြယ်ပေးပါ။
Glow နေဖို့အတွက် Powder လည်းမလိမ်းထားပါဘူး။ Glow တာမကြိုက်ရင် အားလုံးပြင်ပြီး နောက်ဆုံးမှာ Powder ကို Brush နဲ့ယူပြီး နည်းနည်းလိမ်းပေးပါ။ ဒါဆိုရင် ရပါပြီ။
