နှုတ်ခမ်းနီဆိုးတော့မယ်ဆိုရင် လှပသေသပ်နေစေဖို့ သိထားရမယ့်အချက်လေးတွေ

မိန်းကလေးတွေအနေနဲ့ နှုတ်ခမ်းနီဆိုးတော့မယ်ဆိုရင် ဒီတိုင်း ပုံမှန်ဆိုးနေကျတိုင်းမဆိုးပဲ သေချာလေးဆိုးပေးဖို့ လိုပါတယ်။ ဒီလိုသေချာလေး ဆိုးပေးမှ လှပသေသပ်တဲ့ နှုတ်ခမ်းတစ်စုံကိုပိုင်ဆိုင်စေမှာပါ။ ဒါကြောင့် နှုတ်ခမ်းနီဆိုးတော့မယ်ဆိုရင် လှပသေသပ်နေစေဖို့ သိထားရမယ့်အချက်လေးတွေကို မျှဝေပေးလိုက်ပါတယ်။

နှုတ်ခမ်းနီမဆိုးခင်မှာအရင်ဆုံး Vaseline ကိုအသုံးပြုပြီး နှုတ်ခမ်းမှာပွတ်လိမ်းပေးရပါမယ်။ ပြီးတာနဲ့ သွားပွတ်တံနဲ့ပွတ်တိုက်ပြီး နှုတ်ခမ်းကိုတစ်ရှူးနဲ့သုတ်လိုက်ပါ။ ဒီလိုလုပ်ပေးမှ နှုတ်ခမ်းသားကချောမွတ်ပြီးလှပနေမှာပါ။ ဒီတော့ နှုတ်ခမ်းနီဆိုးရင်တော့ အဖတ်တွေအလန်တော့ဘူးပေါ့။

Source: www.rodalesorganiclife.com

နှုတ်ခမ်းနီဆိုးတဲ့အခါမှာတော်တော်များများကဒီတိုင်းပဲဆိုးတော့ နှုတ်ခမ်းဘေးတွေမှာပေကုန်တာတွေ၊ မညီမညာတွေဖြစ်တတ်ပါတယ်။ ဒီလိုမဖြစ်ရအောင် နှုတ်ခမ်းနီမဆိုးခင်မှာ Liner နဲ့ကိုယ်လိုချင်တဲ့ နှုတ်ခမ်းပုံအတိုင်းရအောင် ပုံဖော်ပေးပါ။ ပြီးမှသာနှုတ်ခမ်းနီဆိုးမယ်ဆိုရင်တော့ သပ်သပ်ရပ်ရပ်လေးနဲ့လှပနေမှာပါ။

Source: www.jolse.com

နှုတ်ခမ်းနီဆိုးတဲ့အခါမှာ ကြည့်ရအဆိုးဆုံးကတော့ နှုတ်ခမ်းအတွင်းသားတွေမှာ နှုတ်ခမ်းနီမရှိတာပါပဲ။ ဒါကြောင့် နှုတ်ခမ်းနီဆိုးတဲ့အခါမှာ နှုတ်ခမ်းအတွင်းသားထိပါ နှုတ်ခမ်းနီဆိုးပေးဖို့ လိုပါတယ်။

Source: www.samacharnama.com

နှုတ်ခမ်းနီဆိုးတဲ့အခါမှာ ပိုပြီးလှပချင်ရင်တော့ ဆိုးပြီးတာနဲ့ လက်ချောင်းလေးတွေနဲ့လိုက်ပွတ်ပြီးပုတ်ပေးပါ။ ဒီလိုလေးလုပ်ပေးခြင်းကဆိုးထားတဲ့နှုတ်ခမ်းနီကို နှုတ်ခမ်းသားလေးမှာသိပ်သိပ်လေးဖြစ်နေလို့ ကြည့်ရတာပိုလှပါတယ်။

Source: www.youtube.com

နောက်ဆုံးမှာတော့ နှုတ်ခမ်းနီဆိုးပြီးရင် Long Lasting ဖြစ်တဲ့နှုတ်ခမ်းနီတွေဆို ဖျက်ရခက်ပါတယ်။ ဒီလိုဖျက်ရခက်နေတဲ့အခါမျိုးမှာတော့ Vaseline ကိုသုံးပြီးဖျက်ပေးပါ။ ဒီလိုလုပ်ပေးမယ်ဆိုရင်တော့ ဖျက်ရလွယ်ပြီး လွယ်လွယ်ကူကူနဲ့ နှုတ်ခမ်းနီတွေ ပြောင်သွားတာကိုတွေ့ရမှာပါ။